முரண்பாடுகள்

திருமணம் செய்யாமல் பெண்ணை ஏமாற்றிய சாப்ட்வேர் நிறுவன மேலாளர் கைது
அக்டோபர் 28,2009

சென்னை: காதலித்து, திருமணம் செய்யாமல் ஏமாற்றுவதாக, பெண் கொடுத்த புகாரில், சாப்ட்வேர் நிறுவன மேலாளர் கைது செய்யப்பட்டுள்ளார். சென்னை அசோக்நகரை சேர்ந்த சீனிவாசனின் மகள் ஸ்ரீவித்யா(30). தனியார் சேனலில் செய்தி வாசிப்பாளராக பணிபுரிகிறார்.

இவர் இதற்கு முன், அபிராமபுரத்தை சேர்ந்த கார்த்தீஷ்(32) என்பவர் நடத்தும் சாப்ட்வேர் நிறுவனத்தில் பணிபுரிந்துள்ளார். அப்போது இருவருக்கும் இடையே நட்பு ஏற்பட்டு, அது காதலாக மாறியுள்ளது. இருவருக்கும் திருமணம் செய்து வைக்க ஒரு ஆண்டுக்கு முன் முடிவு செய்யப்பட்டது. இதற்கு சில நாட்களுக்கு பின், கார்த்தீஷ் ஸ்ரீவித்யாவை திருமணம் செய்து கொள்ளும் முடிவை மாற்றிக் கொண்டு அவரை தவிர்த்துள்ளார்.

இந்நிலையில், நேற்று முன்தினம் இரவு ஸ்ரீவித்யாவை சென்னை தி.நகரில் உள்ள ஓட்டலில் வந்து சந்திக்குமாறு அழைத்துள்ளார். அங்கு இருவருக்கும் இடையே வாக்குவாதம் ஏற்பட்டு, அடிதடியில் முடிந்துள்ளது. அப்பகுதியில் இருந்த பொதுமக்கள் கார்த்தீஷை பிடித்து போலீசில் ஒப்படைத்துள்ளனர். கார்த்தீஷை பிடித்து சென்ற அபிராமபுரம் போலீசார் அவரிடம் விசாரித்துள்ளனர். முதலில், ஸ்ரீவித்யாவை தெரியாது என கூறிய கார்த்தீஷ், பின் அவரை திருமணம் செய்து கொள்ள முடியாது என கூறியுள்ளார். நடந்த சம்பவம் குறித்து ஸ்ரீவித்யா போலீசில் புகார் அளித்துள்ளார். இதன்பேரில், கார்த்தீஷ் கைது செய்யப்பட்டுள்ளார்.

============================
மேலுள்ள செய்தியைப் படித்து விட்டு கீழுள்ள வீடியோவைப் பார்த்தால் சட்டத்தில் எவ்வளவு முரண்பாடுகள் இருக்கின்றன என்பது புரியும். இது திரைப்படத்திற்காக எடுக்கப்பட்ட காட்சிகள் அல்ல. நாட்டில் இருக்கும் உண்மை நிலவரத்தை பிரதிபலிக்கும் கண்ணாடி. ஆணுக்கு ஒரு சட்டம், பெண்ணுக்கு ஒரு சட்டம். இரு பாலினருக்கும் பொதுவான நேர்மையான சட்டங்கள் கிடையாது. இது தான் உண்மை.

பொம்பளை செத்தா உயிர், ஆம்பிளை செத்தா......?

"தேவதையைக் கண்டேன்"