பெண்கள் நாட்டின் கண்கள்!!

அண்ணனின் பாசமும், தங்கையின் கள்ளக் காதலும்

2012-02-05T20:20:00.002-06:00

இந்தியக் குடும்பங்களில் நடக்கும் கள்ளக்காம பிரச்சனைகளுக்கு அவரவர்களே நீதி வழங்கிக் கொள்ளும் நிலை ஏற்பட்டுவிட்டது. ஏனென்றால் “கள்ளக் காமத்தில்” ஈடுபடும் பெண்ணை தண்டிக்க இந்திய சட்டத்தில் இடமே இல்லை.

IPC497. Adultery.--Whoever has sexual intercourse with a person who is and whom he knows or has reason to believe to be the wife of another man, without the consent or connivance of that man , such sexual intercourse not amounting to the offence of rape, is guilty of the offence of adultery, and shall be punished with imprisonment of either description for a term which may extend to five years, or with fine, or with both. In such case the wife shall not be punishable as an abettor.

போலீஸ் ஸ்டேஷனில் பெண்ணுக்கு அரிவாள் வெட்டு : அவினாசியில் கொடூர சம்பவம்: அதிர்ச்சியில் போலீசார்
பிப்ரவரி 06,2012 தினமலர்

அவினாசி : அவினாசி அனைத்து மகளிர் ஸ்டேஷனில், இன்ஸ்பெக்டர் கண்ணெதிரே, தங்கையை அண்ணன் அரிவாளால் வெட்டினார். ஸ்டேஷனுக்குள் நடந்த கொலைவெறி தாக்குதலால், போலீசார் நிலைகுலைந்து போயினர். உயிருக்குப் போராடி வரும் பெண்ணுக்கு, தீவிர சிகிச்சை அளிக்கப்படுகிறது.

அவினாசி அருகே நம்பியாம்பாளையம் ஊராட்சி, அனந்தகிரியைச் சேர்ந்த அய்யாசாமி மகள் அம்பிகா, 18. இரு மாதம் முன், சுண்டக்காம்பாளையத்தைச் சேர்ந்த சண்முகம், 22, என்பவருடன் திருமணம் நடந்தது. ஒரே வாரத்தில், "சண்முகத்துடன் வாழப் பிடிக்கவில்லை' என்று கூறிய அம்பிகா, தாய் வீடு வந்து விட்டார். இந்நிலையில், சுண்டக்காம்பாளையத்தைச் சேர்ந்த வடிவேல் என்பவருடன் கள்ளக்காதல் ஏற்பட்டது. ஒரு வாரம் முன், காதலனுடன் அம்பிகா வீட்டை விட்டு வெளியேறி விட்டார்.

அவரது தாய் பழனியம்மாள் நேற்று காலை, அவினாசி அனைத்து மகளிர் ஸ்டேஷனில் புகார் கொடுத்தார். அதில், "மகள் அம்பிகாவை, அவரது கணவருடன் சேர்த்து வைக்க வேண்டும்' என்று குறிப்பிட்டிருந்தார். அதன்படி பெண் இன்ஸ்பெக்டர் குப்பு, அம்பிகாவை அழைத்து நேற்று மாலை, ஸ்டேஷனில் விசாரித்துக் கொண்டிருந்தார்.

அப்போது, அம்பிகாவின் அண்ணன் வெள்ளியங்கிரி, 21, விசாரணைக்காக ஸ்டேஷனுக்குள் வந்துள்ளார். "வடிவேலுவுடன் தான் வாழ்வேன்' என்று அம்பிகா, இன்ஸ்பெக்டரிடம் கூறிக் கொண்டிருந்தார். அதைக் கேட்டு ஆத்திரமடைந்த வெள்ளியங்கிரி, ஆவேசத்துடன், "திரும்பத் திரும்ப சொல்லியும், அவனுடன் போகிறேன் என்றா சொல்கிறாய்' என்று கேட்டுக் கொண்டே, மறைத்து வைத்திருந்த அரிவாளால், அம்பிகாவின் முதுகில் வெட்டியுள்ளார்.

இதைக் கண்ட இன்ஸ்பெக்டர் குப்பு, அதிர்ச்சியடைந்து கூச்சல் போட்டார். அவர் போட்ட சத்தம் கேட்டு, ஸ்டேஷனிலிருந்து போலீசார் ஓடிச் சென்று வெள்ளியங்கிரியை பிடித்தனர். உயிருக்கு போராடிய அம்பிகாவை, அவினாசி அரசு மருத்துவமனையில் சேர்த்தனர். அங்கு முதலுவி அளிக்கப்பட்ட அவர், கோவை மருத்துவக் கல்லூரி மருத்துவமனைக்கு கொண்டு செல்லப்பட்டார். போலீஸ் ஸ்டேஷனில் வைத்து தங்கையை, அண்ணன் அரிவாளால் வெட்டியதை அறிந்த திருப்பூர் எஸ்.பி., பாலகிருஷ்ணன், நேரில் விசாரணை நடத்தினார்.

கணவன் வேண்டுமா? கலெக்டரிடம் மனு கொடுக்கலாம்!

2012-02-01T20:55:00.003-06:00

பின்வரும் செய்தித்தாள் செய்தியிலிருந்து இந்தியத் திருமண வாழ்க்கை பற்றி கீழ்கண்ட உண்மைகள் தெரிய வருகிறது!

திருமணம் செய்தால் கணவன் தனது குடும்பத்திற்கு (பெற்றோர்களுக்கு) செய்ய வேண்டிய கடமைகளை செய்யமுடியாது!

கணவன், மனைவிக்கிடையே கருத்து வேறுபாடு ஏற்பட்டால் உறவினர்கள், நண்பர்களின் உதவியை நாடுவதைவிட போலிஸ், நீதிமன்றம், கலெக்டர் இவர்களை நாடினால் நல்ல பலன் கிடைக்கும்! (தொடர்புடைய பதிவு: கலெக்டரை கல்யாணத் தரகராக்கும் இளம் பெண்கள்!)

======

மீண்டும் உறவைப் புதுப்பித்த காதல் ஜோடி
தினமலர் பிப்ரவரி 02,2012

கோவை: கல்லூரியில் படிக்கும்போது திருமணம் செய்து, பிரிந்த காதல் ஜோடி, 10 மாத குழந்தை, முன்னிலையில் மீண்டும் தங்கள் திருமண ஒப்பந்தத்தை, "சட்டப்படி' நேற்று உறுதி செய்தது.

மதுரை, அலங்காநல்லூரைச் சேர்ந்தவர் செல்வம், 23; கோவை, அரசு கல்லூரி மாணவர்கள் விடுதியில் தங்கி கல்லூரியில், படித்தார். இவருடன் ஒரே வகுப்பில், கோவை, கணுவாயைச் சேர்ந்த சரண்யா,23;வும் படித்தார்.
கடந்த 2008-10 வரையிலான கல்லூரி நாட்களில், இவர்களுக்குள் ஏற்பட்ட காதல், 2010, ஜூன் 26 அன்று, திருமணத்தில் முடிந்தது.

நண்பர்கள் பாதுகாப்பில் தங்கியிருந்த இவர்கள், மதுரை, அலங்காநல்லூர் சென்றனர். செல்வத்தின் பெற்றோர், சரண்யாவை மருமகளாக ஏற்றனர்.
அடுத்த சில மாதங்களில், இவர்களுக்கு இடையே கருத்துவேறுபாடு ஏற்பட்டது; கர்ப்பமாக இருந்த சரண்யா கோவை திரும்பினார்.

பெற்றோர் பாதுகாப்பில் இருந்த சரண்யாவுக்கு, பெண் குழந்தை பிறந்தது. ஒரு முறை மட்டும் கோவை வந்த, செல்வம், மனைவியையும் குழந்தையையும் பார்த்து விட்டுச் சென்று விட்டார்.

குழந்தையை பெற்றோர் பராமரிப்பில் ஒப்படைத்து விட்டு, தனியார் கம்பெனியில் வேலைக்குச் சென்றார், சரண்யா.

இந்நிலையில், மக்கள் குறைகேட்பு நாளில், கோவை கலெக்டரை சந்தித்து, கணவரை தன்னுடன் சேர்த்து வைக்க வேண்டும் என, சரண்யா மனு கொடுத்தார்.

கோவை மாவட்ட சட்டப்பணிகள் ஆணைக்குழு விசாரணைக்கு, இந்த மனு அனுப்பப்பட்டது. மாவட்ட நீதிபதி ஆதிநாதன் உத்தரவில், சட்ட ஆணைக்குழு செயலாளர் நீதிபதி மகிழேந்தி, சட்ட ஆலோசகர் வக்கீல் சுவாமிநாதன் ஆகியோரின் விசாரணைக்கு, மனு எடுத்துக் கொள்ளப்பட்டது. புகார் அளித்த சரண்யா, கணவர் செல்வம் ஆகியோர் வரவழைக்கப்பட்டு, விசாரிக்கப்பட்டனர்.
"மனைவியையும் குழந்தையையும் ஏற்றுக் கொள்கிறேன். தற்போது, சென்னை மேயரின் "மனிதநேய அறக்கட்டளை'யில், ஐ.ஏ.எஸ்.,தேர்வு எழுத பயிற்சி பெறுகிறேன். இதேபோல், மதுரையில் இருக்கும் குடும்பத்துக்கு செய்ய வேண்டிய, சில கடமைகள் உள்ளன. இவற்றை முடித்துவிட்டு, மூன்று மாதங்களுக்குப் பின், மனைவி, குழந்தையை அழைத்துச்செல்கிறேன்'' என, செல்வம் உறுதி அளித்தார். இதனைத் தொடர்ந்து, இருவருக்கும் 10 மாத பெண் குழந்தையின் முன்னிலையில், திருமண ஒப்பந்தத்தை உறுதி செய்து, அதிகாரிகள் கையெழுத்து பெற்றனர்.

===========

பொய்வரதட்சணை வழக்குப்போடும் 40% பெண்கள்

2012-01-23T23:47:00.004-06:00

காவல்துறை பட்டும் படாமல் சொல்லும் புள்ளிவிபரப்படி 40% வரதட்சணைப் புகார்கள் கணவனின் குடும்பத்தை பழிவாங்கும் நோக்கத்தோடு போடப்படுகிறதாம். மீதமுள்ளவற்றில் லஞ்சம், அரசியல் பின்னணி போன்ற காரணங்களால் பதிவு செய்யப்படும் பொய் வரதட்சணை வழக்குகளையும் கணக்கில் கொண்டால் 99% புகார்கள் பொய்யானவை என்று தெரியும்.

பொதுவாக காவல்நிலையத்தில் கொடுக்கப்படும் பொய் வரதட்சணைப் புகார்களில் ஏதாவது லாபம் கிடைத்தால் புகாரின் உண்மைத் தன்மையை பற்றியோ, அந்த பொய் வழக்கின் மூலம் அந்தக் குடும்பத்தில் இருக்கும் குழந்தைகளின் நிலை என்னவாகும் என்ற சிந்தனையோ இல்லாமல் யாருடைய குடும்பமோ அழிந்து நடுத்தெருவிற்கு வந்தால் நமக்கென்ன என்ற மனப்போக்கில்தான் அனைத்து வரதட்சணை வழக்குகளும் மிருகத்தனமாக பதிவு செய்யப்படுகிறது. வரதட்சணை வழக்குகளை பதிவு செய்து விசாரணை செய்வதில் வரதட்சணை தடுப்புச் சட்டத்தில் சொல்லப்பட்டுள்ள எந்தவித சட்ட நடைமுறைகளும் பின்பற்றப்படுவதே கிடையாது.

இதில் அற்புதமான விஷயம் என்னவென்றால் எத்தனை சதவீதம் பொய் வழக்குப்போட்டாலும் அப்பாவிகளை பழிவாங்கும் நோக்கில் காவல்துறையையும், நீதித்துறையையும் தவறாகப் பயன்படுத்தி பொய் வழக்குப் போடுபவர்கள் மீது எந்தவித நடவடிக்கையும் எடுக்கமாட்டார்கள் என்பதுதான் மிகவும் பெருமைக்குரிய விஷயம்.

பழிவாங்கும் நோக்கில் பொய் வரதட்சணை வழக்குப் போடும் பெண்களின் எண்ணிக்கை அதிகரிப்பு

COIMBATORE, January 23, 2012 The Hindu

Blame it on issues over supremacy, financial or educational status or discontent in marriage life, complaints of harassment against women are on the rise in the city in 2011 when compared to 2009 and 2010.

Yet, 70 per cent of the victim's problems were solved through counselling by the city police and 30 per cent were left for logical conclusion before a court of law.

Harassment against wife includes, beating of woman by husband in inebriated condition, abuse by mother-in-law, father-in-law and relatives, suspecting fidelity of the woman, blaming wife for childlessness, blaming her parents, disability harassment, spying on their activities, verbal and nor-verbal abuse are the forms of harassment reported.

Deputy Commissioner of Police (Law and Order) Hema Karunakaran said that most of the differences between wife and husband were over supremacy and that too in the age group of 21 – 30 years.

When a woman approaches an All Women Police Station to file a complaint, priority is given for resolving the issue through expert counselling. The last option is registering a case, she added.

When a husband or relative subject her to cruelty, a case would be filed under Section 498A of the Indian Penal Code in which, the guilty, upon conviction would get three years of imprisonment and fine.

In case of harassment, case would be registered under Section 4 of Tamil Nadu Prohibition of Harassment of Women Act 2002 provides a maximum of three year imprisonment or Rs. 10,000 fine or both.

In case of dowry harassment, the District Social Welfare Officer K. Aruna has to conduct an inquiry with the husband and wife and submit a report to the police station, after which the case is registered.

Counselling

Expert counselling is provided only if the couple wanted it, she added.

However, a police official said that some women misuse the law by preferring complaints over petty issues with the husband or his family.

They seek legal recourse to settle scores or intimidate the husband's family. Such petitions are often resolved by offering adequate counselling.

This accounts for nearly 40 per cent of the dowry harassment cases registered.

கணவனை பிரியும் பெண்களின் நிலை என்ன?

2012-01-13T19:28:00.003-06:00

இந்தியாவில் பல இளம் மனைவியர் தங்களது சுயலாபத்திற்காக காவல் மற்றும் நீதித்துறையின் உதவியோடு கணவனின் குடும்பத்தார் மீது பொய் வரதட்சணை வழக்குப் போட்டுவிட்டு பிறகு வாழ்க்கையை தொலைத்துவிட்டு தனியே பிரிந்து வாழ்கிறார்கள். இவர்களின் நிலை என்ன என்று இதுவரை தேசிய மகளிர் வாரியமோ, பெண்கள் அமைச்சகமோ ஏதாவது புள்ளிவிவரம் சேகரித்து வைத்திருக்கிறதா?

பொய் வரதட்சணை வழக்குகள் பதிவு செய்யப்படும்வரை பெண்களை உற்சாகப்படுத்தி எத்தனை முதல் தகவல் அறிக்கை (FIR) பதிவு செய்யப்படுகிறது என்ற எண்ணிக்கையை மட்டும் எடுத்துக்கொண்டு ஊரெல்லாம் பெண்களுக்கு கொடுமை நடக்கிறது என்று எண்ணிக்கையை காட்டுபவர்கள் அந்த புகார் பதிவு செய்யப்பட்ட பிறகு அந்த வழக்கு எங்கு சென்று முடிகிறது, புகார் பதிவு செய்யும் பெண்களின் இறுதி நிலை என்ன என்று தெரிந்துகொள்ள ஆர்வம் காட்டியிருக்கிறார்களா என்று தெரியவில்லை.

திருமண ஆசை காட்டி பெண்ணை கர்ப்பிணியாக்கிய இன்ஜினியர் கைது ஜனவரி 14,2012 தினமலர்

அருப்புக்கோட்டை:அருப்புக்கோட்டையில் பெண்ணை கர்ப்பமாக்கிய தனியார் நிறுவன இன்ஜினியரை, போலீசார் கைது செய்தனர்.அருப்புக்கோட்டை சொக்கலிங்கபுரத்தைச் சேர்ந்தவர் சுமதி, 27. கணவனை பிரிந்து, குழந்தையுடன் தனித்து வசித்து வருகிறார்.இந்நிலையில், சுமதிக்கும், தனியார் நிறுவன இன்ஜினியர் வீரமணி, 34,க்கும் தொடர்பு ஏற்பட்டது.

திருமண ஆசை காட்டி சுமதியை கர்ப்பமாக்கி விட்டு, வீரமணி மாயமானார். இதன்பின் ஊருக்கு வந்த வீரமணி, சுமதியை திருமணம் செய்ய மறுத்ததுடன், அவரும், அவரது தந்தை பிச்சைவேல், தாய் சின்னத்தாய் ஆகியோர் சுமதியை தாக்கினர். சுமதி கொடுத்த புகார்படி, அருப்புக்கோட்டை மகளிர் போலீசார், வீரமணியை கைது செய்தனர். தாய், தந்தையரைதேடி வருகின்றனர்.

ஏன்டி இந்த கொல வெறி? சிதையும் இந்தியக் குடும்பங்கள்

2012-01-10T19:09:00.004-06:00

இந்தியாவில் குடும்பங்களில் ஏற்படும் சிறு பிரச்சனைகளுக்குக்கூட தகுந்த மனநல ஆலோசனை வழங்காமல் எடுத்ததற்கெல்லாம் கிரிமினல் IPC498A - வரதட்சணை வழக்குப் பதிவு செய்து குடும்பங்களை நாசமாக்கிக்கொண்டிருக்கும் கண்மூடி சட்டங்களால் பல குடும்பங்கள் நாசமாகியிருக்கிறது.

இதுபோன்று குடும்பங்கள் சட்டங்கள் மூலம் நாசமாக்கப்படும்போது அந்தக் குடும்பங்களில் இருக்கும் குழந்தைகள்தான் மிகப்பெரிய பிரச்சனைகளில் சிக்கித்தவிக்கிறார்கள் . குழந்தைகளின் நலனை இந்திய மருமகள் பாதுகாப்பு சட்டங்கள் ஒருபோதும்ஒரு பொருட்டாக மதிப்பதில்லை. கணவன் மனைவி பிரச்சனை என்று காவல்நிலையத்திற்கு வந்தால் உடனடியாக பொய் வரதட்சணை குற்ற வழக்கை பதிவு செய்து யாரோ ஒருவருடைய குடும்பம் நாசமானால் நமக்கென்ன என்று செயல்படும் காவல்துறையாலும், நீதித்துறையாலும் அழிந்த குடும்பங்கள் பல இருக்கின்றன.

இதுபோன்ற சூழலில் சிக்கும் குழந்தைகளின் நிலை எப்படி பரிதாபத்திற்கு உள்ளாகிறது என்பதை காட்டும் செய்தி.

சித்தி எனும் அரக்கியிடம் சிக்கிய குழந்தை : சுற்றிய கிரைண்டர் கல் மீது முகத்தை தேய்த்த கொடூரம்
ஜனவரி 11,2012 தினமலர்

திருப்பூர்: நான்கு வயது குழந்தை முகத்தை கிரைண்டரில் வைத்து அரைத்த சித்தி கொடுமை, திருப்பூரில் நடந்துள்ளது. திருப்பூர், நல்லூர் பொன்கோவில் நகரில் வசிப்பவர் சரவணன்; மனைவி சங்கீதா. இவர்களின் 4 வயது குழந்தை லோசனி; எல்.கே.ஜி., படிக்கிறார். கணவன் - மனைவி இடையே ஏற்பட்ட கருத்து வேறுபாடால், சங்கீதா, திருவண்ணாமலையை அடுத்த ஆத்தூரில் உள்ள தாய் வீட்டிற்கு சென்று விட்டார். சரவணன், விஜி என்ற பெண்ணை திருமணம் செய்து, அதே பகுதியில் வசித்து வந்தார். சங்கீதாவுக்கு பிறந்த லோசனியை, விஜி துன்புறுத்தியுள்ளார். இதையறிந்து சங்கீதா குழந்தையை கேட்டார்; சரவணன் கொடுக்கவில்லை. இதன்பின், இருவரும், குழந்தையை அவ்வப்போது துன்புறுத்தினர்.

தகவல் தெரிந்ததும் குழந்தையை மீட்ட, "சேவ்' அமைப்பு தலைவர் ஆலோஷியஸ் கூறியதாவது: சரவணன் வீட்டின் அருகில் இருந்தவர்கள், ஹெல்ப் லைன் 1098க்கு தொடர்பு கொண்டனர். அப்பகுதிக்கு சென்று விசாரித்த போது, குழந்தை மீது துணியை போட்டு அழைத்து வந்த விஜி, "கடந்த வாரம் ஒரு விபத்தில் சிக்கியது. அதனால், முகமெல்லாம் காயமாகியுள்ளது' என்றார். முகத்தை திறந்து காண்பிக்க மறுத்தார். போலீசை அழைப்போம் எனக் கூறியதும், குழந்தையை காண்பித்தார். சிகிச்சைகாக குழந்தையை அரசு மருத்துவமனையில் சேர்த்தோம். "கோபம் வந்தால், சித்தி, ஓடும் கிரைண்டர் முன் முகம் காட்டுவார். சத்தம் போட்டால், கிரைண்டருக்குள் தூக்கி போட்டு உன்னையும் சேர்த்து அரைத்து விடுவேன் என மிரட்டுவார். இரண்டு, மூன்று முறை ஓடும் கிரைண்டரில் என் முகத்தை வைத்து உரசியுள்ளார். தூங்கி எழுந்ததும், குச்சியை வைத்து என் மூக்கின் உட்பகுதியில் இடித்து விடுவார். இரவில் பழுக்க காய்ச்சிய கம்பியை வைத்து கை, கால், பின்புறம் சூடு போடுவார்' என, மருத்துவமனையில் அழுது கொண்டே குழந்தை தெரிவித்தது. இவ்வாறு ஆலோஷியஸ் கூறினார்.

மாவட்ட தலைமை அரசு மருத்துவமனை குழந்தை பிரிவில் அனுமதிக்கப்பட்டிருந்த லோசனியை பார்க்க சென்ற கலெக்டர் மதிவாணன் கூறும் போது, ""வெளியே சொல்ல முடியாத அளவு குழந்தையை கொடுமைப்படுத்தியுள்ளனர். அரசு மருத்துவமனையில் பாதுகாப்பு இல்லை. மருத்துவமனைக்குள் புகுந்து கழுத்தை நெரித்து கொன்று விடக்கூடும். எனவே, தனியார் மருத்துவமனையிலோ, "சேவ்' அமைப்பு பாதுகாப்பிலோ வைத்து சிகிச்சை மேற்கொள்ளுங்கள்,'' என்றார். இச்சம்பவத்தையடுத்து, சரவணன், விஜி மீது கொலை முயற்சி வழக்குப் பதிவு செய்து, போலீசார் தனிப்படை அமைத்து தேடி வருகின்றனர்.

ஒரு இனிய காதல் / கல்யாண கதை!

2012-01-06T19:06:00.001-06:00

மனைவியை சித்திரவதை செய்த கணவர், கல்லூரி விரிவுரையாளர் கைது
ஜனவரி 06,2012 தினமலர்

கோவை : மனைவியை, வரதட்சணை கேட்டு சித்திரவதை செய்த இரும்பு வியாபாரியும், அதற்கு உடந்தையாக இருந்த, கல்லூரி பெண் விரிவுரையாளரும், கைது செய்யப்பட்டனர். அத்தப்பக்கவுண்டன்புதூர், வையாபுரி வீதியைச் சேர்ந்தவர் கவுதம், 30; பழைய இரும்பு வியாபாரி. சில ஆண்டுகளுக்கு முன், இதே பகுதியைச் சேர்ந்த கீதா, 26 வை, காதலித்து திருமணம் செய்து கொண்டார்.

சில மாதங்களுக்கு பின், கணவரின் நடத்தையில் சந்தேகப்பட்டு, கீதா விசாரித்தார். கல்லூரி விரிவுரையாளர் உமாமகேஸ்வரி என்பவருடன், கணவருக்கு தொடர்பு இருந்தது தெரியவந்தது. கள்ளத்தொடர்பு பற்றி, கணவரிடம் கீதா கேட்டார். அப்போது, "எனது தொழில் வளர்ச்சிக்கு, உமா மகேஸ்வரி தான் அனைத்து வழிகளிலும் உதவுகிறாள். உன்னுடன் வாழ வேண்டும் என்றால், உன் பெற்றோரிடம், ஐந்து லட்சம் ரூபாய், வாங்கி வர வேண்டும்' என, நிபந்தனை விதித்ததோடு, கீதாவை சித்திரவதை செய்தார். இதற்கு உடந்தையாக, கவுதமின் பெற்றோரும், மிரட்டல் விட துவங்கினர்.

இச்சூழலில், "உங்கள் மனைவியை எப்போது கொல்லப் போகிறீர்கள்?' எனக் கேட்டு, உமாமகேஸ்வரி எழுதிய கடிதம், கீதாவிடம் கிடைத்தது. கடிதத்துடன், வீட்டைவிட்டு வெளியேறிய கீதா,கோவை அனைத்து மகளிர் போலீசில் புகார் கொடுத்தார். போலீசார் விசாரணை நடத்தி, வரதட்சணை கேட்டு சித்திரவதை செய்த கவுதம், கல்லூரி விரிவுரையாளர் உமா மகேஸ்வரி ஆகியோரை, கைது செய்தனர். வழக்கில் தொடர்புடைய, கவுதமின் பெற்றோரை, போலீசார் தேடுகின்றனர்.

காதல் பரிசு - அன்னாசிப் பழம்!

2012-01-03T19:15:00.003-06:00

காதல் பரிசு - அன்னாசி பழம்
கல்யாண பரிசு - பொய் வரதட்சணை வழக்கு
(IPC498A, Dowry Prohibition Act, Domestic Violence Act)

கள்ளக் காதலை கணவன் தட்டிக் கேட்டால் மனைவிக்கு இப்போதெல்லாம் கோபம் கொஞ்சம் அதிகமாகவே வருகிறது! முன்பெல்லாம் பொய் வரதட்சணை வழக்கு பதிவு செய்து கணவனை அவனது குடும்பத்தோடு சிறைக்கு அனுப்பி வைத்துவிட்டு தனது காதலை தொடர்ந்தார்கள். இப்போது தன் கண் எதிரிலேயே கணவன் சிறையில் கஷ்டப்படக்கூடாது என்ற கருணை உள்ளத்தோடு களத்தில் இறங்கி கணவனின் கழுத்திலேயே கை வைக்க ஆரம்பித்துவிட்டார்கள்!

தவறான மருமகள் பாதுகாப்பு சட்டங்கள் இருக்கும்வரை கணவன்கள் உயிருக்கு உத்திரவாதம் கிடையாது.

கணவனை கொன்ற காதலனுக்கு அன்னாசி பழம் கொடுத்தார் மனைவி
ஜனவரி 04,2012 தினமலர்

கோட்டயம்: கள்ளக் காதலுக்கு இடைஞ்சலாக இருந்த கணவனை தீர்த்துக் கட்டிய மனைவி கள்ளக் காதலனுடன் கைது செய்யப்பட்டார். சதித் திட்டத்தை நிறைவேற்றிய, கள்ளக் காதலனுக்கு மனைவி அன்னாசி பழத்தை பரிசாக வழங்கினார்.
கேரள மாநிலம் கோட்டயம் அருகே திருக்காக்கரா பகுதியைச் சேர்ந்தவர் பால் வர்கீஸ், 35. இவர், எர்ணாகுளத்தில் ஜவுளிக் கடையில் வேலை செய்து வந்தார். இவரது மனைவி சஜிதா, 32. இவர்களுக்கு இரு மகள்கள் உள்ளனர். இவரது, சகோதரியின் திருமணம் தொடர்பாக அளித்த விளம்பரத்தை பார்த்து இங்கிலாந்தில் வேலை பார்த்து வந்த டிசன், 31 என்பவர் தொடர்பு கொண்டார். ஆனால், அவர் தொடர்பு கொண்டது சஜிதாவுடன் என்பது பால் வர்கீசுக்குத் தெரியவில்லை. தொலைபேசியில் தொடர்ந்த நட்பு, அவர் கேரளாவுக்கு வந்ததும் நேரில் சந்தித்து தொடர்ந்தது. கணவனை விட்டு விலகி, மகள்களுடன் இங்கிலாந்துக்கு வருமாறு டிசன் அழைத்தார். ஆனால், அதற்கு சஜிதா மறுத்து விட்டார். மனைவியின் கள்ளக் காதல் பால் வர்கீசுக்கு தெரிய வந்ததும். மனைவியை கண்டித்தார். இதனால், கோபம் அடைந்த அவர், கணவனை தீர்த்துக்கட்ட முடிவு செய்து, டிசனுடன் சேர்ந்து சதித் திட்டம் தீட்டினார்.
டிசம்பர் மாதம் 22ம் தேதி இரவு, பணி முடிந்து வீட்டுக்கு வந்த கணவனுக்கு, உணவில் அதிகளவு தூக்க மாத்திரைகளை கலந்து சஜிதா கொடுத்தார். அதிகளவு மாத்திரைகளை சாப்பிட்டதால் இறந்து விடுவார் என எதிர்பார்த்த சஜிதாவும், டிசனும் ஏமாந்தனர். எனவே, நன்றாக குறட்டை விட்டு தூங்கிக் கொண்டிருந்த பால் வர்கீசின் கழுத்தில் துண்டால் இருவரும் சேர்ந்து முறுக்கினர். அவர், இறந்து விட்டதை உறுதி செய்ய தலையணையால் முகத்தை அழுத்தினர். இதில் அவர் இறந்து விட்டார் என தெரிந்ததும், சந்தோஷத்தில் திளைத்த சுஜிதா, வீட்டு தோட்டத்திலிருந்து அன்னாசி பழத்தை பறித்து கள்ளக் காதலனுக்கு பரிசாக அளித்தார்.
அவரை அனுப்பி விட்டு, கணவர் இறந்து விட்டார் என உறவினர்களுக்குத் தகவல் தெரிவித்து அழுது புரண்டார். ஆனால், பால் வர்கீசின் கழுத்தில் இருந்த அடையாளங்களை வைத்து உறவினர்கள் அவர் இறக்கவில்லை, கொலை செய்யப்பட்டுள்ளார் என சந்தேகித்தனர். போலீசார் பிணத்தை கைப்பற்றி, பிரேத பரிசோதனைக்கு அனுப்பினர். பிரேத பரிசோதனை அறிக்கையில், பால் வர்கீசின் கழுத்தில் ரத்தம் தடைப்பட்டுள்ளது தெரிந்தது. இதை அடுத்து, போலீசார் நடத்திய விசாரணையில் சஜிதாவும், டிசனும் சேர்ந்து தான் கொலை செய்துள்ளது தெரிந்தது. விசாரணையில் உண்மையை ஒப்புக்கொண்ட இருவரும் கைது செய்யப்பட்டனர்.

=====

கள்ளக் காமத்தில் ஈடுபடும் மனைவியை தண்டிக்க இந்திய சட்டத்தில் இடமில்லை என்ற விஷயம் பல பெண்களுக்குத் தெரியாத காரணத்தால் கணவன் கண்டித்ததும் அவசரப்பட்டு அவனை கொலை செய்து தங்களது இனிய காதல் வாழ்வை நாசமாக்கிக் கொள்கிறார்கள். பெண்ணுரிமை பேசுபவர்கள் இந்த சட்ட விழிப்புணர்ச்சியை ஏற்படுத்தினால் பல “அப்பாவி அபலைப்” பெண்களின் வாழ்வு கொலைப் பழியிலிருந்து பாதுகாக்கப்படும்.

IPC497. Adultery.--Whoever has sexual intercourse with a person who is and whom he knows or has reason to believe to be the wife of another man, without the consent or connivance of that man , such sexual intercourse not amounting to the offence of rape, is guilty of the offence of adultery, and shall be punished with imprisonment of either description for a term which may extend to five years, or with fine, or with both. In such case the wife shall not be punishable as an abettor.

பெண்கள் கற்பழிப்புக்கு காரணம் ஆண்களல்ல

2011-12-31T01:16:00.002-06:00

பெண்ணுக்கு உண்மையான சுதந்திரம் என்பது அவர்கள் அணியும் ஆடையில்தான் இருக்கிறது!! சம உரிமை என்பது எந்த அளவு ஆண்களை அடக்க முடியுமோ அவ்வளவு சமஉரிமை என்று அர்த்தம்!

பெண்கள் கற்பழிப்புக்கு ஆடைகளே காரணம்: சொல்கிறார் டி.ஜி.பி.,
டிசம்பர் 31,2011 தினமலர்

ஐதராபாத்: பெண்களை பாலியல் பலாத்காரம் செய்வதற்கு பெண்களின் ஆடைகள், ஆண்களை கவர்ச்சியூட்டி கவர்ந்திழுப்பதே காரணம். இன்றைய கிராமத்து பெண்கள் நாகரீக ஆடைகளை அணிகின்றனர் என ஆந்திரமாநில டி.ஜி.பி., தினேஷ் ரெட்டி கூறியுள்ளார்.

இதற்கு பல்வேறு தரப்பிலிருந்து கண்டனங்கள் எழுந்த வண்ணம் உள்ளன. ஆந்திர மாநில உள்துறை அமைச்சர் சபீதா இந்திரா ரெட்டி கண்டனம் தெரிவித்துள்ளார். இது குறித்து அவர் கூறும்போது, டி.ஜி.பி.,யின் கருத்து முறையானதல்ல. அரசாங்கமோ அல்லது போலீசாரோ பெண்கள் என்ன அணிய வேண்டும் என்பது பற்றி முடிவு செய்ய முடியாது. பெண்கள் பாலியல் பலாத்காரம் செய்வதற்கு பல காரணங்கள் இருக்கும். ஆனால் அதனை தடுப்பதும், பெண்களுக்கு பாதுகாப்பு அளிப்பதுமே முக்கியம் என கூறினார்.

மத்திய உள்துறை அமைச்சர் சிதம்பரம் கூறுகையில், டி.ஜி.பி., கருத்தில் உடன்பாடு கிடையாது. நாட்டில் உள்ள அனைவருக்கும் என்ன அணிய வேண்டும் என்பதை உரிமை செய்ய அவர்களுக்கு உண்டு. இதனை கொள்கையாக மாற்ற முடியாது. இது போன்ற கருத்து மாநில டி.ஜி.பி.,யிடமிருந்து வரும் என எதிர்பார்க்கவில்லை என கூறினார்.

முன்னாள் ஐ.பி.எஸ்., அதிகாரியான கிரண்பேடியும் ஆந்திர டி.ஜி.பி.,கருத்துக்கு கண்டனம் தெரிவித்துள்ளார்.

திருமண வரதட்சணைக்கு இன்சூரன்ஸ் உண்டா?

2011-12-26T00:13:00.000-06:00

வந்துவிட்டது திருமண இன்சூரன்ஸ் விருந்து விஷமானால் இழப்பீடு டிசம்பர் 26,2011 தினமலர்

புதுடில்லி : திருமண விருந்தின் போது உணவு விஷமாகி, உறவினர்களுக்கு வாந்தி மயக்கம் ஏற்பட்டால் கூட, இழப்பீடு கோரும் வகையில், இன்சூரன்ஸ் திட்டங்கள் செயல்படுத்தப்பட்டுள்ளன. திருமணம் சொர்க்கத்தில் நிச்சயிக்கப்படுகிறது என கூறப்பட்டாலும், இதற்காக, சாமானிய மக்களும், பல லட்ச ரூபாய் செலவிட வேண்டியுள்ளது. பல்வேறு சிரமங்களுக்கிடையே கூடி வரும் திருமணம், கடைசி நேரத்தில் ஒரு சில காரணங்களால் தடைபட்டு, ஏராளமான பணம் வீணாக நேரிடுகிறது. இந்த சிரமத்தை போக்க, "ஐ.சி.ஐ.சி.ஐ., லொம்பார்ட்' நிறுவனமும், "பஜாஜ் அலையன்ஸ்' நிறுவனமும், திருமண இன்சூரன்ஸ் திட்டத்தை செயல்படுத்தி வருகின்றன.

நான்கு வகை பிரிவுகளில், இன்சூரன்ஸ் செய்வோருக்கு, இரண்டு லட்சம், நான்கு லட்சம், ஆறு லட்சம் மற்றும் எட்டு லட்ச ரூபாய் வரை, இழப்பீடு அளிக்கப்படுகிறது. இதற்காக, 4 ஆயிரம் ரூபாய் முதல் 15 ஆயிரம் ரூபாய் வரை, பிரீமியம் செலுத்த வேண்டும்.

தீ விபத்து மற்றும் வேறு வகையான விபத்துகள், கொள்ளை, திருட்டு ஆகிய காரணங்களால், திருமணம் தடைபட்டால், இந்த இழப்பீடு வழங்கப்படும். திருமண விருந்தின் போது, உணவு விஷமாகி விருந்தினர்களுக்கு வாந்தி, மயக்கம் ஏற்பட்டால் கூட, இழப்பீடு பெற இந்த இன்சூரன்ஸ் திட்டங்கள் வழி செய்கின்றன.

சில மரணங்களாலோ, மணமக்கள் காயம் பட்டு, அதனால் திருமணம் தடை பட்டாலோ அல்லது தள்ளி வைக்கப்பட்டாலோ, இழப்பீடு பெற முடியும். ஆனால், மணமக்களுக்கிடையே ஏற்படும் தனிப்பட்ட முறையிலான கருத்து வேறுபாட்டால் திருமணம் தடைபட்டால், இந்த இழப்பீடு பொருந்தாது.

இரண்டு பெண்களும் போலிஸூம்

2011-12-13T19:34:00.004-06:00

பதவியை வைத்து மிரட்டக் கூடாது என்பதால் புகார் கூறினேன்: ஐ.பி.எஸ்., மீது பெண் புகார்
டிசம்பர் 14,2011 தினமலர்

சென்னை : "" ஐ.பி.எஸ்., பயிற்சி அதிகாரி வருணை திருமணம் செய்ய வேண்டும் என்ற எண்ணம் எனக்கு இல்லை. பதவியை வைத்து மிரட்டக் கூடாது என்பதற்காக தான் புகார் அளித்தேன்,'' என்று பிரியதர்ஷிணி தெரிவித்துள்ளார். சென்னை, வளசரவாக்கம், கனகதாரா நகர், கிருஷ்ணா தெருவைச் சேர்ந்தவர் கோகுல் சாகர், ஓய்வு பெற்ற டி.எஸ்.பி., இவரது மகள் பிரியதர்ஷினி. திருச்சியைச் சேர்ந்தவர் வருண்குமார், ஐ.பி.எஸ்., பயிற்சி அதிகாரி. இவர்கள் இருவரும், கடந்த 2007ம் ஆண்டு சென்னையில் உள்ள தனியார் ஐ.ஏ.எஸ். அகடமி ஒன்றில் பயிற்சி பெற்றனர். அப்போது இருவருக்கும் இடையில் பழக்கம் ஏற்பட்டு காதலாக மாறியது. தேர்வுக்காக டில்லி சென்ற போது, வருண் குமார், தன் பெற்றோர் மற்றும் குடும்பத்தினரிடம் பிரியதர்ஷிணியை அறிமுகப்படுத்தினார். அப்போது, அவர்கள் பயிற்சி முடிந்ததும் திருமணம் செய்து கொள்ளலாம் என்று உறுதியளித்துள்ளனர்.

அதன் பின், தேர்வு எழுதியதில், வருண் குமார் வெற்றி பெற்று அடுத்த கட்ட தேர்வு எழுதுவதற்காக டில்லி சென்ற போது, பிரியதர்ஷிணியே அவருக்கு பொருளாதார உதவிகளை செய்து வந்தார். டில்லியில் இருவரும் இருந்த போது, தன் மகனை பார்த்துக் கொள்ளுமாறு பிரியதர்ஷிணிக்கு வருணின் தந்தை வீரசேகரன் பலமுறை இ-மெயில் அனுப்பியுள்ளார். பிரதான தேர்வு முடிந்த பின், வருணும் பிரியதர்ஷிணியும் கடந்தாண்டு நவம்பர், சென்னை வந்தனர். அதன் பின், நேர்முகத் தேர்வுக்கு தயாராகினார் வருண். அதற்கும் பல வழிகளில் பிரியதர்ஷிணியே பணம் செலவழித்துள்ளார்.

நேர்முகத் தேர்வுக்காக, தன்னிடம் இருந்த நகைகளை அடகு வைத்து ஒரு லட்சம் ரூபாய் வருணுக்கு கொடுத்தார் பிரியதர்ஷிணி. இந்தாண்டு இறுதியில் இருவருக்கும் திருமணம் செய்வதாகவும் இரு குடும்பத்தினர் பேசினர். இதற்கிடையில், வருண்குமார் ஐ.பி.எஸ்., தேர்வில் வெற்றி பெற்று, பயிற்சிக்குச் சென்ற நிலையில், பிரியதர்ஷிணியை திருமணம் செய்ய வேண்டுமானால் பி.எம்.டபிள்யூ.,கார் மற்றும் 50 லட்சம் ரூபாய் பணம் மற்றும் இரண்டு கிலோ தங்கம் வேண்டும் என வருணின் பெற்றோர் கேட்டுள்ளனர்.

மற்றொருபுறம், பெற்றோரை சம்மதிக்க வைத்து திருமணம் செய்து கொள்வதாக வருண், பிரியதர்ஷினியிடம் கூறியுள்ளார். அதன் பின், வருண் திருமணம் செய்து கொள்ள மறுக்க, பிரியதர்ஷிணி வருணிடம் கேட்ட போது, மிரட்டியுள்ளார். இதுகுறித்து, சென்னை போலீஸ் கமிஷனர் திரிபாதியிடம், சமீபத்தில் பிரியதர்ஷிணி புகார் அளித்தார். புகார் குறித்து, விசாரணை நடத்துமாறு, வடபழனி உதவி கமிஷனருக்கு உத்தரவிடப்பட்டது. இந்நிலையில், நேற்று பகல் பிரியதர்ஷிணி, எழும்பூர் போலீஸ் கமிஷனர் அலுவலகத்திற்கு வந்திருந்தார்.

குற்றப்பிரிவு கூடுதல் கமிஷனர் அபெய்குமார் சிங்கை சந்தித்துவிட்டு வந்த அவர் கூறியதாவது: நான் ஏற்கனவே அளித்த புகாருக்கு தேவையான ஆதாரங்களை சமர்ப்பிப்பதற்காக இங்கு வந்தேன். அவர் தேர்வில் வெற்றி பெற்ற சந்தர்ப்பத்தில், அவரது குடும்பத்தினருடன் நான் இருந்த போட்டோ, கடந்த மாதம் பத்திரிகையில் வெளிவந்துள்ளது. மேலும், அவர் எனக்கு அனுப்பிய எஸ்.எம்.எஸ்., விவரங்களையும் பதிவு செய்து கூடுதல் கமிஷனரிடம் கொடுத்துள்ளேன். நடவடிக்கை எடுப்பதாக உறுதியளித்துள்ளார். போலீசார் மீது எங்களுக்கு நம்பிக்கை உள்ளது.

வருண்குமார், தற்போது என்னை தெரியாது என்றும், எனது நடத்தையை குறையாகவும் கூறியுள்ளார். பழகி விட்டு, அதன் பின் ஒரு பெண் எதிர்த்தால், அப்பெண்ணைப் பற்றி அவதூறு பேசுகின்றனர். எனக்கு, வருண் குமாரை திருமணம் செய்ய வேண்டும் என்ற எண்ணம் இல்லை. தன் பதவியை பயன்படுத்தி, மற்றவர்களை மிரட்டுகிறார். அப்படி இனியாரையும் அவர் மிரட்டக் கூடாது. பிரச்னைகளை பேசி தீர்த்திருக்க வேண்டும். அதை விடுத்து, அவர் எனது உயிருக்கே மிரட்டல் விடுத்ததால் தான் நான் புகார் அளித்தேன். அவர், என்னை தெரியாது என்கிறார். அப்படியானால், அவர் வைத்திருக்கும் மொபைல் எண்ணில் இருந்து எனக்கு," நான் வேறு பெண்களை பற்றி கூறியபோதும் என் பெற்றோர் வேண்டாம் என்றனர். உன்னையும் வேண்டாம் என்கின்றனர். அவர்களை சம்மதிக்க வைப்பேன்' என்று எஸ்.எம்.எஸ்., அனுப்பியுள்ளார். அது எப்படி சாத்தியமாகும். அவரை பழிவாங்க வேண்டி, புகார் அளிக்கவில்லை. விழிப்புணர்ச்சியை ஏற்படுத்தவும், அவர் மீது சட்டரீதியாக நடவடிக்கை எடுக்க வலியுறுத்தியும் தான் புகார் அளித்துள்ளேன். இவ்வாறு அவர் கூறினார்.

கணவன் வீட்டு முன் குழந்தையுடன் மனைவி தர்ணா
டிசம்பர் 14,2011 தினமலர்

ஈரோடு : கணவனை தன்னுடன் சேர்த்து வைக்கக் கோரி, அவரது வீட்டின் முன் குழந்தையுடன் அமர்ந்து, இளம்பெண் தர்ணா போராட்டம் செய்தார். திருப்பூர் மாவட்டம், அனுப்பர்பாளையம் பகுதியைச் சேர்ந்தவர் அமிர்தம். இவரது மகள் பிருந்தா தேவி,29; திருப்பூர் பனியன் கம்பெனியில் வேலை செய்கிறார். இரண்டு வயதில் ஆண் குழந்தை உள்ளது.

ஈரோடு அருகே வில்லரசம்பட்டியைச் சேர்ந்த ஆறுமுக கவுண்டர் மகன் ராதாகிருஷ்ணன். திருப்பூரில் பனியன் கம்பெனி நடத்தி வருகிறார். நேற்று முன்தினம் மாலை இவரது வீட்டுக்கு வந்த பிருந்தா தேவி, தன் குழந்தையுடன் வீட்டு வாயிலில் அமர்ந்தார். "எங்கள் இரண்டு பேரையும் சேர்த்து வைக்க வேண்டும்' எனக் கோரி, விடிய விடிய தர்ணா போராட்டத்தில் ஈடுபட்டார்.

பிருந்தா தேவி கூறியதாவது: திருப்பூர் பனியன் கம்பெனியில் பணிபுரிந்தேன். வில்லரசம்பட்டியைச் சேர்ந்த ராதாகிருஷ்ணன், அங்கு பனியன் கம்பெனி நடத்தி வந்தார். எங்களுக்குள் பழக்கம் ஏற்பட்டு, நாளடைவில் காதலாக மாறியது. 2008ல் திருப்பூர் மாவட்டம், மூலனூரில் உள்ள குலதெய்வம் கோவிலில், எங்கள் குடும்பத்தார் சம்மதத்துடன், எனக்கும், ராதாகிருஷ்ணனுக்கும் திருமணம் நடந்தது. எங்களுக்கு இரண்டு வயதில் ஆண் குழந்தை உள்ளது. மாற்று ஜாதி காரணமாக, கணவர் குடும்பத்தார் எதிர்ப்பு தெரிவித்தனர். எங்கள் வீட்டிலேயே இருவரும் குடும்பம் நடத்தி வந்தோம். நான் ஏழு மாதம் கர்ப்பமாக இருந்த போது, ராதாகிருஷ்ணன் ஈரோட்டில் உள்ள வீட்டுக்கு சென்று விட்டார். அப்போது திருப்பூர் போலீசாரிடம் புகார் தெரிவித்தேன். போலீசார் தலையிட்டு, எங்களை சேர்த்து வைத்தனர்.டிச., 5ம் தேதி, திருப்பூர் வந்த ராதாகிருஷ்ணனின் அண்ணன் சிவசங்கர், உறவினர்கள் கஸ்தூரி, லலிதா, சிவசங்கர் ஆகியோர், என் கணவரை அழைத்துச் சென்று விட்டனர். அவரது மொபைல் போன், "சுவிட்ச் ஆப்' செய்யப்பட்டது.

திருப்பூர் மாவட்ட எஸ்.பி.,யிடம் புகார் அளித்தேன். நேற்று முன்தினம் மாலை, மகளிர் போலீஸ் ஒருவர், ஈரோட்டில் உள்ள என் கணவன் வீட்டுக்கு என்னை அழைத்து வந்தார். என் கணவரிடம், "சேர்ந்து வாழுங்கள்' என, அறிவுரை கூறிவிட்டு, பெண் போலீஸ் சென்று விட்டார். ஆனால், என் கணவர் குடும்பத்தார், "உனக்கும் என் மகனுக்கும் திருமணமே நடக்கவில்லை. பல ஆண்களுடன் உனக்கு தொடர்பு உள்ளது. இந்த குழந்தை வேறு யாருக்கோ பிறந்தது' என்று கூறி, என்னை வெளியே தள்ளி, வீட்டை பூட்டிச் சென்று விட்டனர். இதுவரை யாரும் வந்து பார்க்கவில்லை. இவ்வாறு பிருந்தா தேவி கூறினார்.

ராதாகிருஷ்ணன் உறவினர்கள் கூறுகையில், "இவர் விபசார கும்பலை சேர்ந்தவர். இவருக்கு பல ஆண்களுடன் தொடர்பு உள்ளது. ராதாகிருஷ்ணனுக்கும், இவருக்கும் திருமணமாகவில்லை. இதற்கான அனைத்து ஆதாரங்களும் எங்களிடம் உள்ளன' என்றனர்.

பிருந்தா தேவி கூறுகையில், ""ராதாகிருஷ்ணன் தான் என் கணவர். வேண்டுமானால் என் குழந்தைக்கு டி.என்.ஏ., பரிசோதனை செய்ய தயார்,'' என்றார்.

கணவன் வீட்டாரால் பாதிப்பு ஏற்படாமல் இருக்க, பிருந்தா தேவிக்கு, வீரப்பன்சத்திரம் போலீசார் இரண்டு பேர், பாதுகாப்புக்கு நிறுத்தப்பட்டனர். நேற்று இரவு வரை, பிருந்தா தேவி அங்கேயே இருந்தார். இச்சம்பவம் அப்பகுதியில், பெரும் பரபரப்பை ஏற்படுத்தியுள்ளது.

குடும்பம் ஒரு கதம்பம் - இந்தியக் குடும்பம் 2020

2011-11-24T14:43:00.003-06:00

இந்திய பொய் வரதட்சணை வழக்குகளால் பிரியும் தம்பதிகள் எந்தெந்த திசையில் செல்வார்கள் என்பதற்கு ஒரு நல்ல உதாரணம் பின்வரும் செய்தியில் கொடுக்கப்பட்டுள்ளது.

பொய் வரதட்சணை வழக்குகள் உருவான பிறகு கணவனுக்கு நீதிமன்றங்கள் அவ்வளவு எளிதாக விவாகரத்து கொடுக்காது. அதனால் அவர்கள் தங்கள் மனம்போன போக்கில் வாழவேண்டியதுதான். பொய் வரதட்சணை வழக்குப் போடும் பெண் வழக்கு என்ற பெயரில் போலிஸ் மற்றும் நீதித்துறையின் வலையில் சிக்கி ஆண்டுகளை கழிக்கவேண்டியதுதான். இதனிடையே தனிமைக்கு தீணி போட பலரும் வட்டமிடுவார்கள். இதுபோன்ற சூழ்நிலையில் உருவாவதுதான் கள்ளக்காதல், கொலை போன்ற சம்பவங்கள்.

பொய் வரதட்சணை வழக்குகளை அரசாங்கம் கட்டுப்படுத்தவில்லையென்றால் “இந்தியக் குடும்பம் ஒரு கதம்பம்” போல மாறிவிடும். எந்தக் குழந்தைக்கு யார் அப்பன் என்று தெரியாது. யாருக்கு யார் மனைவி என்று தெரியாது. யாருக்கு யார் கள்ளக் காதலன் என்று தெரியாது. யாருக்கு யார் கள்ள மனைவி என்று தெரியாது. இதுதான் இந்தியக் குடும்பம் என்று உலகம் சொல்லும் அளவிற்கு நாடு உருவாகிக்கொண்டிருக்கிறது. இப்போதே விழித்துக்கொண்டால் இந்தியக் குடும்பங்களை காப்பாற்றலாம்.

குடும்பம் ஒரு கதம்பம் - பொய் வரதட்சணை வழக்குகளால் சிதையும் குடும்பங்களின் நிலை எப்படியிருக்கும் என்பதற்கு ஒரு உதாரணம்

தினமலர் நவம்பர் 24,2011

சென்னை- வேலை தருவதாகக் கூறி, தகாத உறவு கொண்டு ஏமாற்றியதால், தொழில் அதிபரை கொன்றோம் என்று, தம்பதியினர் போலீசாரிடம் கூறியுள்ளனர்.

சென்னை, நங்கநல்லூர், அபிலாஷ் அப்பார்ட்மென்டைச் சேர்ந்த சந்திரசேகர், 55. கொசுவலை பொருத்தும் தொழில் நிறுவனம் நடத்தி வந்தார். இவரது மனைவி கவுரி, 45; வங்கி அதிகாரி. கடந்த 18ம் தேதி பணிக்குச் சென்ற கவுரி ஷிப்ட் முடிந்து இரவு 10:30 மணிக்கு வீடு திரும்பிய போது, வீட்டின் படுக்கையறையில், அவரது கணவர் சந்திரசேகர் பிணமாகக் கிடந்தார். டெலிபோன் ஒயரால் கழுத்து இறுக்கப்பட்டிருந்தது. ஆறு மோதிரங்கள், பிரேஸ்லெட் என, எட்டு சவரன் நகைகள், வாட்ச் மற்றும் இரண்டு மொபைல் போன்கள் மாயமாகியிருந்தன.பழவந்தாங்கல் போலீசார் விசாரித்தனர்.

துணை கமிஷனர் சண்முகராஜேஷ்வரன் மேற்பார்வையில், தனிப்படைகள் அமைத்தனர். கொலை செய்ததாக சிவக்குமார், 36 மற்றும் கவிதா, 28 ஆகிய இருவரையும், பல்லடம் அருகே சின்னக்கரையில், கைது செய்தனர். விசாரணையில் கிடைத்த தகவல் அடிப்படையில், அவர்கள் கொலையாளிகள் என உறுதி செய்யப்பட்டது.

சிவகங்கை மாவட்டம், சூரக்குடியைச் சேர்ந்தவர் சிவக்குமார். பெற்றோருக்கு தெரியாமல் திருமணம் செய்து கொண்டதால், வீட்டாருடன் தொடர்பற்றுப் போனது. மனைவியுடன் கருத்து வேறுபாடு ஏற்பட்டு, அவர் பிரிந்து சென்ற நிலையில், சிவக்குமார், அவினாசிக்கு வந்துள்ளார். அங்கு தான், புதுச்சேரி அருகில் உள்ள பாகூரைச் சேர்ந்த கவிதாவை சந்தித்துள்ளார். கணவனை பிரிந்து குழந்தையுடன், ஓட்டல் ஒன்றில் பணியாற்றிய கவிதாவை, திருமணம் செய்து இருவரும் ஒன்றாக வாழ்ந்துள்ளனர்.

திருப்பூர், சிவகங்கையில் சரியான வேலை அமையாததால், சென்னையில் வேலை தேடியுள்ளனர். அப்போதுதான் சந்திரசேகரின் விளம்பரத்தை பார்த்து, கவிதா அதிலிருந்த எண்ணில், சந்திரசேகரை தொடர்பு கொண்டுள்ளார். அதன்பின், கவிதாவை பலமுறை தொடர்பு கொண்ட சந்திரசேகர், வேலைக்கு வந்தால், அதிகளவில் சம்பளம் தந்து பார்த்துக் கொள்வதாக ஆசை வார்த்தை கூறியுள்ளார். இதையடுத்து, கடந்த 16ம் தேதி காரைக்குடியிலிருந்து இருவரும் சென்னை வந்து, பணியில் சேர்ந்துள்ளனர்.

அன்று பிற்பகல் மனைவி வங்கிக்குச் சென்றதும், கவிதாவை அழைத்த சந்திரசேகர், பணமும், இருக்க இடமும் தருவதாகக் கூறி, கள்ள உறவு வைத்துக் கொண்டார்.இந்த உறவு பலமுறை தொடர்ந்துள்ளது. அடுத்த நாளும் அழைத்து உல்லாசம் அனுபவித்ததுடன், தனக்கு தெரிந்த வேறு ஒருவருடனும் உல்லாசமாக இருக்க வேண்டும் என்று வற்புறுத்தியுள்ளார்.

இதற்கு ஒப்புக் கொள்ளாத கவிதா, அங்கிருந்து வெளியேறி, சிவக்குமாரிடம் நடந்ததை கூறியுள்ளார். அன்றிரவே, தங்களை ஏமாற்றிய சந்திரசேகரை ஒழித்துவிட வேண்டும் என்று திட்டமிட்டு, மறு நாள் காலை, 18ம் தேதி, சந்திரசேகரின் வீட்டிற்கு சென்று, அவரிடம் வாக்குவாதம் செய்துள்ளனர். அப்போது, இருவரும் சேர்ந்து, சந்திரசேகரின் முகத்தில் தலையணையை வைத்து அமுக்கி, டெலிபோன் ஒயரைக் கொண்டு கழுத்தில் இறுக்கி கொலை செய்துவிட்டு, நகைகள் மற்றும் மொபைல் போன் உள்ளிட்டவற்றை எடுத்து தப்பிவிட்டனர்.

இன்றைய சூடான காமெடி செய்தி!

2011-11-18T00:08:00.003-06:00

பின்வரும் இரண்டு செய்திகளையும் படித்தால் இன்றைய காமெடி செய்தி என்னவென்று உங்களுக்கே புரியும்.

பெண்களுக்கு எதிரான குற்றங்கள் அதிகரிப்பு
நவம்பர் 18,2011 தினமலர்

கோவை: "பெண்களுக்கு எதிரான குற்றங்கள், நாளுக்கு நாள் அதிகரித்து வருகின்றன. அவற்றை தடுப்பதற்கு, மாவட்ட அளவிலான வல்லுநர் குழு அமைக்க வேண்டும்' என்று, தமிழக அரசுக்கு, கலெக்டர் தலைமையிலான [...]

கள்ள காதலனுக்கு ரூ. 1 லட்சம் கொடுத்து கணவனை கார் மோதி கொலை செய்த மனைவி
நவம்பர் 18,2011 தினமலர்

திருநெல்வேலி : கணவனை காரை ஏற்றி கொலை செய்த கள்ளக்காதலனுக்கு மனைவி கார் வாங்க ஒரு லட்சம் ரூபாய் கொடுத்ததை வாக்குமூலத்தில் தெரிவித்து [...]

====

பெண்களுக்கெதிரான கொடுமைகள் அதிகரிப்பு என்று அறிக்கை சமர்ப்பித்தால் ஐ.நா. சபையிலிருந்து பெண்கள் வளர்ச்சி நிதியாக கோடிக்கணக்கான பணம் கிடைக்கும்!

நிதி ஒதுக்கீட்டின் தற்போதைய நிலவரம்

Theschemes/programmes that address violence against women are budgeted both in the Union and the State budgets (depending upon whether it is a Centrally sponsored scheme, or is a State scheme). It is not possible to give the exact budgetary allocation as many Ministries meet the expenditure from their general budget. There is gender budgeting in India and Gender Budget Statement (Statement 20) is part of the Union Budget. It includes grants for demands from different ministries/departments. Grants under Part A deal with 100 per cent women specific programmes and Part B deal with 30 per cent women specific programmes. For the year 2010-2011, the total allocation is Rs. 67,749.80 crores (Rs. 19,266.05 crores for Part A and Rs 48,483.75 crores for part B).

கணவனைக் கொல்லும் இந்தியக் கள்ளக்காதல் கலாச்சாரம்

2011-11-16T23:40:00.002-06:00

கணவனை கொலை செய்த மனைவி, கள்ளக் காதலன் கைது
நவம்பர் 17,2011 தினமலர்

திருநெல்வேலி : கணவனை, கள்ளக்காதலனுடன் சேர்ந்து காரை ஏற்றி கொலை செய்த மனைவி உட்பட நான்கு பேர் கைது செய்யப்பட்டனர்.

திருநெல்வேலி மாவட்டம் விக்கிரமசிங்கபுரம், அகஸ்தியர்பட்டியைச் சேர்ந்த சுப்பையா மகன் விஸ்வநாதன், 41, திருமணமாகி மனைவியும் குழந்தைகளும் உள்ளனர். விஸ்வநாதன் கன்னியாகுமரி மாவட்டம் மார்த்தாண்டத்தில் எல்.ஐ.சி., அலுவலகத்தில் அதிகாரியாக பணியாற்றுகிறார். தினமும் வீட்டில் இருந்து மோட்டார் சைக்கிளில் நெல்லை வந்து, அங்கிருந்து பஸ்சில் மார்த்தாண்டம் சென்று வருவார்.

சில தினங்களுக்கு முன், காலையில் மோட்டார் சைக்கிளில் வீட்டில் இருந்து நெல்லை செல்லும் வழியில், இவர் மீது கார் மோதியது. இதில் காயமுற்றவர், நெல்லையில் மூன்று நாட்கள் சிகிச்சையில் இருந்து, பின் இறந்தார். விசாரணையில், அவரது மனைவி ஆதிலட்சுமிக்கும், அதே பகுதியைச் சேர்ந்த குமார், 35, என்பவருக்கும் கள்ளத் தொடர்பு இருந்ததும், அதை விஸ்வநாதன் கண்டித்ததும் தெரியவந்தது. எனவே, கணவன் வீட்டில் இருந்து கிளம்பியது குறித்து, ஆதிலட்சுமி தந்த தகவலின்படி, குமாரின் ஏற்பாட்டில் ஒரு காரை கொண்டு மோதி, விஸ்வநாதனை கொலை செய்தது தெரியவந்தது. ஆதிலட்சுமி, கள்ளக் காதலன் குமார் ஆகியோரை போலீசார் கைது செய்தனர். கொலைக்கு உடந்தையாக இருந்த மேலும் இருவரை கைது செய்த போலீசார், அவர்களிடம் கொலை நடந்த விதம் குறித்து விசாரித்து வருகின்றனர்.

====

இந்திய கள்ளக்காதல் சட்டப்படி (IPC497) கள்ளக்காதலில் ஈடுபடும் மனைவி ஒரு அப்பாவி. ஆண் மட்டுமே குற்றவாளி.

IPC497. Adultery.--Whoever has sexual intercourse with a person who is and whom he knows or has reason to believe to be the wife of another man, without the consent or connivance of that man , such sexual intercourse not amounting to the offence of rape, is guilty of the offence of adultery, and shall be punished with imprisonment of either description for a term which may extend to five years, or with fine, or with both. In such case the wife shall not be punishable as an abettor.

சுவாரஸ்யமான கதை சொல்லும் கள்ளக்காதல்

2011-11-15T22:36:00.004-06:00

IPC497. Adultery.--Whoever has sexual intercourse with a person who is and whom he knows or has reason to believe to be the wife of another man, without the consent or connivance of that man , such sexual intercourse not amounting to the offence of rape, is guilty of the offence of adultery, and shall be punished with imprisonment of either description for a term which may extend to five years, or with fine, or with both. In such case the wife shall not be punishable as an abettor.

கணவனை தீர்த்துக் கட்டிய மனைவி:கள்ளக்காதலன் உள்ளிட்ட மூவர் கைது
நவம்பர் 16,2011 தினமலர்

மத்தூர்:மத்தூர் அருகே, கள்ளக்காதலனுடன் சேர்ந்து, கணவனைக் கொலை செய்த மனைவியையும், அவருக்கு உடந்தையாக இருந்த கள்ளக்காதலன், அவனது நண்பனையும், போலீசார் கைது செய்தனர்.கிருஷ்ணகிரி மாவட்டம், ஊத்தங்கரை அருகே மத்தூர் அடுத்த அத்திகானூர் கிராமத்தைச் சேர்ந்தவர் ஜவுளி வியாபாரி சஞ்சீவன்,38. இவரின் மனைவி அனிதாதேவி,27. இவர்களுக்கு, இரு மகன்கள் உள்ளனர். அனிதாதேவி மத்தூர் போலீசில், கடந்த 1ம் தேதி, "பெங்களூரு செல்வதாக வீட்டை விட்டுச் சென்ற கணவன் சஞ்சீவன் வீடு திரும்பவில்லை' என புகார் செய்தார்.

சில நாட்களுக்கு முன், ஊத்தங்கரை அடுத்த அருணம்பதி ஏரியில், சஞ்சீவன் கொலை செய்யப்பட்டு, மண்ணில் பாதி உடல் புதைக்கப்பட்ட நிலையில் கிடந்தார். தொழில் போட்டியில், சஞ்சீவன் கொலை செய்யப்பட்டாரா? அல்லது அவருக்கு வேறு எதிரிகள் யாராவது இருந்தார்களா? என்ற கோணத்தில், போலீசார் தீவிர விசாரணை நடத்தினர். விசாரணையில், அவருக்கு யாரும் எதிரிகள் இல்லை எனத் தெரிந்தது.

சந்தேகம் அடைந்த போலீசார், அனிதாதேவியிடம் விசாரித்தனர். அவர், முன்னுக்குப் பின் முரணாகக் கூறினார். தொடர்ந்து நடந்த விசாரணையில், அனிதாதேவி அவரின் கள்ளக்காதலன் ஜெயப்பிரகாஷ், அவரின் நண்பர் சங்கர் ஆகியோர் கூட்டு சேர்ந்து, சஞ்சீவனை கொலை செய்து, ஏரியில் புதைத்தது தெரிந்தது. மூவரையும், போலீசார் கைது செய்தனர்.

அனிதாதேவி போலீசில் கொடுத்துள்ள வாக்குமூலத்தில் கூறியுள்ளதாவது:

என் சொந்த ஊர் அரூர். அங்கு, என் சகோதரர்கள் டிராவல்ஸ் நிறுவனம் நடத்தி வருகின்றனர். எனக்கும் சஞ்சீவனுக்கும் திருமணம் நடந்ததும், நாங்கள் அத்திகானூர் கிராமத்துக்குச் சென்று விட்டோம்.என் கணவர் ஜவுளி வியாபாரம் செய்து வந்ததால், குஜராத் மாநிலம் சூரத்துக்கு அடிக்கடி சென்று வருவார். அங்கு சம்பாதித்த பணத்தை என்னிடம் கொடுப்பார். பின், அந்தப் பணத்தைக் கேட்டு என்னைத் தாக்குவார். குடிபோதையில் அடிக்கடி என்னிடம் தகராறு செய்வார்.

நான் கோபித்துக் கொண்டு, அடிக்கடி அரூரில் உள்ள என் சகோதரர்கள் வீட்டுக்கு வருவேன். என்னை சமாதானம் செய்து, டிராவல்ஸ் நிறுவனத்துக்குச் சொந்தமான காரில், அத்திகானூர் கிராமத்துக்கு, டிரைவர் ஜெயப்பிரகாஷுடன் அனுப்பி வைப்பர்.

ஜெயப்பிரகாஷ் என்னிடம் அன்பாகப் பழகுவார். அவருக்கு, திருமணமாகி மனைவி இறந்து விட்டார். என் கணவர் மீதுள்ள கோபம், ஜெயப்பிரகாஷ் மீது கள்ளக்காதலாக மாறியது. இதனால், நாங்கள் அடிக்கடி சந்தித்து ஜாலியாக இருந்தோம். என் கணவர் ஊரில் இல்லாத நேரத்தில், கணவன், மனைவி போல இருந்தோம்.

சம்பவம் நடந்த ஒரு வாரத்துக்கு முன், "என் கணவரின் தொல்லை தாங்க முடியவில்லை' என, ஜெயப்பிரகாஷிடம் கூறி அழுதேன். அவர் இருக்கும் வரை என்னால் நிம்மதியாக இருக்க முடியாது. எனவே, அவனை தீர்த்து கட்டி விடுவோம். பின், ஆறு மாதம் கழித்து, நாம் திருமணம் செய்து கொள்வோம்' என்றேன். இதற்கு உதவியாக, ஜெயப்பிரகாஷின் நண்பர் கரூரைச் சேர்ந்த சங்கரையும் அழைத்தோம். பின், நாங்கள் அவரைக் கொலை செய்யத் திட்டமிட்டோம்.

முன்கூட்டியே கத்தி, நைலான் கயிறு உள்ளிட்டவை வாங்கி, வீட்டில் வைத்திருந்தேன். கடந்த 1ம் தேதி இரவு, பலத்த மழை பெய்து கொண்டு இருந்தது. அப்போது, ஜெயப்பிரகாஷும், சங்கரும், கொலை செய்த பின், சஞ்சீவனை புதைக்க, ஊத்தங்கரை அருகே உள்ள அருணம்பதி ஏரியில், இடம் தேர்வு செய்தனர்.மழை பெய்ததால், அவர்கள் சென்ற கார் சேற்றில் சிக்கிக் கொண்டது எனக் கூறி, பக்கத்தில் இருந்த வீட்டில், கடப்பாறை, மண்வெட்டி வாங்கிக் குழி தோண்டி தயார் நிலையில் வைத்து விட்டு, என் வீட்டுக்கு வந்தனர். அவர்களுக்காக, என் வீட்டின் பின்பக்கக் கதவைத் திறந்து வைத்திருந்தேன்.

ஜெயப்பிரகாஷும், சங்கரும், இரவு 11 மணிக்கு, பின்பக்க வாசல் வழியாக வீட்டுக்குள் வந்தனர். சஞ்சீவன் பெட்டில் தூங்கிக் கொண்டிருந்தார். ஜெயப்பிரகாஷ் என் கணவரின் கழுத்தில் கத்தியால் குத்தினார். அப்போது, நான் கையைப் பிடித்துக் கொண்டேன். சங்கர் காலை பிடித்துக் கொண்டார். ரத்தம் அதிகளவில் வந்ததால், பெட்ஷீட் கொண்டு முகத்தை மூடினோம். பின், நைலான் கயிறு மூலம் இறுக்கி, தலையணையால் அழுத்திக் கொலை செய்தோம்.

பிணத்தை காரில் கொண்டு சென்றோம். செல்லும் வழியில், ரத்தக்கறை படிந்த ஒரு பெட்ஷீட்டை, மத்தூர் கொடமாண்டப்பட்டி பாலத்திலும், மற்றொரு பெட்ஷீட்டை குன்னத்தூரிலும் வீசினோம். அருணம்பதி ஏரியில் தயாராகத் தோண்டி வைத்திருந்த குழியில், அவசர அவசரமாகப் புதைத்தோம்.நாங்கள் மூன்று பேரும், ஊத்தங்கரையில் உள்ள ஒரு லாட்ஜில் குளித்து விட்டு, நான் அத்திகானூருக்கு வந்தேன். ஜெயப்பிரகாஷ் திருப்பத்தூர் அருகே உள்ள ஆதியூருக்கும், சங்கர் கரூருக்கும் சென்றனர்.

ஆனாலும், எனக்கு பயம் வந்தது. போலீசார் எப்படியும் கண்டுபிடித்து விடுவார்கள் என்று பதட்டத்துடன் காணப்பட்டேன். போலீசார் என்னிடம் தொடர்ந்து நடத்திய விசாரணையில், உண்மையை ஒப்புக் கொண்டேன்.இவ்வாறு, அனிதாதேவி வாக்குமூலத்தில் கூறியுள்ளார்.

குடும்ப உடைப்புத் திட்டம் நிறைவேறுமா?

2011-11-14T23:29:00.004-06:00

குடும்பத்தில் சாதாரணமாக ஏற்படும் பிரச்சனைகளுக்கு மருமகள்கள் பொய் வரதட்சணை புகார் கொடுக்கும்போது அதனை எந்தவித விசாரணையும் இன்றி கண்ணை மூடிக்கொண்டு பதிவு செய்து கணவன் குடும்பத்தினரை கண்மூடித்தனமாக கைது செய்துவந்த போலிஸ் இப்போது அவர்கள் எழுதிவந்த “பொய் வழக்குகளால்” பல குடும்பங்கள் சிதைவதாக வருத்தப்பட்டு “கவுன்சிலிங்” என்ற புதிய திட்டத்தைக் கொண்டு வந்திருக்கிறார்களாம்.

வரதட்சணைப் புகார் வரும்போது அதனை உடனடியாக வழக்காக பதிவு செய்யாமல் வரதட்சணை தடுப்பு அலுவலரைக் (மாவட்ட சமூக நல அலுவலர்) கொண்டு முதற் கட்ட விசாரணை செய்து பிறகுதான் போலிஸ் அந்தப் புகாரை வழக்காக பதிவு செய்ய வேண்டும் என்று தமிழ்நாடு வரதட்சணை தடுப்புச் சட்டம் பல ஆண்டுகளாக இருக்கிறது. ஆனால் இதுவரை அதைப் பற்றி யாரும் கண்டுகொள்ளவே இல்லை. இருக்கின்ற சட்டங்களை யாருமே மதிப்பதில்லை. பிறகு ஏதோ வித்தை காட்டுவது போல எதையாவது காட்டிக் கொண்டிருக்கிறார்கள்.

இப்போது யார் வீட்டில் இந்த “தீ” பற்றி எரிந்தது என்று தெரியவில்லை. இப்போதாவது விழிப்புணர்ச்சி வந்திருக்கிறதே!

குடும்பம் உடையலாமா யோசி... கோவை போலீசின் புது திட்டம்
நவம்பர் 11,2011 தினமலர்

கோவை நகரில், குடும்பப் பிரச்னைகளில் சிக்கி நிம்மதியிழந்த தம்பதியர்களுக்கு உதவுவதற்காக,"மொபைல் கவுன்சிலிங்' திட்டத்தை துவக்கியுள்ளனர் போலீசார். இதற்காக அமைக்கப்பட்டிருக்கும் கலந்தாய்வுக் குழுவினர், பகுதி வாரியாக பொதுமக்களை சந்திக்கவுள்ளனர்.

வரதட்சணைக் கொடுமை, குடிபோதை கணவனின் துன்புறுத்தல், கணவனின் கள்ளத் தொடர்பு உள்ளிட்ட பிரச்னைகளால் போலீசில் புகார் அளிக்கும் பெண்களின் எண்ணிக்கை கோவை நகரில் அதிகரித்து வருகிறது. அதே போன்று, மனைவி நடத்தையில் சந்தேகம், கள்ளத்தொடர்பு காரணமாக கணவன்மார் தரப்பிலும் அவ்வப்போது புகார் அளிக்கப்படுகிறது. குடும்பப் பிரச்னைகள் தொடர்பான புகார் வந்தால் போலீசார் உடனடியாக வழக்குப்பதிவு செய்வதை தவிர்த்து, முடிந்தவரை "கவுன்சிலிங்' அளித்து கணவன் - மனைவியை சேர்த்து வைக்க முயற்சிக்கின்றனர். முடியாத நிலையில், சட்ட ரீதியான நடவடிக்கை மேற்கொள்கின்றனர்.

பாதிக்கப்படும் பெண்களுக்கு உதவுவதற்காக கோவை மாநகரில் 24 மணி நேரமும் செயல்படக்கூடிய, "பெண்களுக்கான அவசர உதவி தொலைபேசி எண் - 1091' செயல்படுகிறது; குடும்ப பிரச்னைகளுக்காக பெண்கள் போன் செய்து உதவி பெற்று வருகின்றனர். இத்திட்டத்தின் தொடர்ச்சியாக மாநகர போலீசில், "மொபைல் கவுன்சிலிங்' (நடமாடும் கலந்தாய்வுக்குழு) துவக்கப்பட்டுள்ளது. கவுன்சிலிங் அளிக்கும் குழுவில் ஆலோசகர்கள் கோதனவள்ளி, மகாலட்சுமி, சுகுமாரி இடம்பெற்றுள்ளனர். இவர்கள், அவ்வப்போது நகரிலுள்ள 15 போலீஸ் ஸ்டேஷன்களின் எல்லைக்குட்பட்ட பகுதிகளுக்கும் சென்று அங்கு வசிக்கும் மக்களை சந்தித்து கலந்தாய்வு நடத்தவுள்ளனர். இவர்களுடன் வக்கீல், அரசு டாக்டர், போலீஸ் அதிகாரிகள் செல்லவுள்ளனர். குடும்பப் பிரச்னைகளில் சிக்கித் தவிக்கும் ஆண், பெண்களை அழைத்து "கவுன்சிலிங்' அளிப்பதே இக்குழுவின் நோக்கம்.

இத்திட்டத்தின் துவக்க நாள் கவுன்சிலிங் சமீபத்தில் ஆர்.எஸ்.புரத்தில் நடந்தது. குடும்ப நல ஆலோசகர் கோதனவள்ளி தலைமையிலான குழு உறுப்பினர்கள், மாநகர போலீஸ் மேற்குப் பகுதி சட்டம் - ஒழுங்கு உதவிக் கமிஷனர் ராஜா, பெண் போலீஸ் இன்ஸ்பெக்டர் சதிஅனுசுயா பங்கேற்று, 11 குடும்ப உறுப்பினர்களுக்கு "கவுன்சிலிங்' அளித்தனர். இதில், இரண்டு குடும்பத்தினரின் பிரச்னைகள் தீர்க்கப்பட்டு தம்பதிகள் சேர்த்து வைக்கப்பட்டனர்; மற்ற குடும்ப உறுப்பினர்களுக்கு தொடர்ந்து "கவுன்சிலிங்' அளிக்கப்பட்டு வருகிறது. இதன் தொடர்ச்சியாக மற்ற போலீஸ் ஸ்டேஷன்களின் எல்லைக்குள்ளும் "மொபைல் கவுன்சிலிங்' நடக்கவுள்ளது.

"மொபைல் கவுன்சிலிங்' திட்ட ஒருங்கிணைப்பாளர் கோதனவள்ளி கூறியதாவது:குடும்ப அமைப்பில் பெண்கள் பல்வேறு விதமான பிரச்னைகளை எதிர்கொள்கின்றனர். திருமணத்துக்குப் பின் கணவராலும், அவரைச் சார்ந்த குடும்ப உறுப்பினர்களாலும் பிரச்னைகள் எழும்போது, "வரதட்சணைக் கொடுமை' புகார் அளித்துவிடுகின்றனர்; ஒரு சில பெண்கள், தனிக்குடித்தன நோக்கம் நிறைவேறாத போது மாமனார் மற்றும் மாமியார் மீது பொய்யான புகார்களை தெரிவிப்பதும் உண்டு. இதுதொடர்பான புகார்களின் மீது சட்டப்படி நடவடிக்கை மேற்கொண்டால் கணவன் மற்றும் அவரைச் சார்ந்தவர்களை கைது செய்து சிறையில் அடைக்க நேரிடும். அவ்வாறு செய்தால் குடும்பம் பிளவுபடும்; பிள்ளைகள் இருந்தால், அவர்களது எதிர்காலம் பாதிக்கப்படும். எனவே, சட்ட ரீதியான நடவடிக்கைகளுக்கு பதிலாக இரு தரப்பினரையும் அழைத்து "கவுன்சிலிங்' அளித்தால் பிரச்னைக்கு தீர்வு காண முடியும்; குடும்பத்திலும் அமைதி நிலவும். இதற்கான முயற்சியாகவே, "மொபைல் கவுன்சிலிங்' திட்டத்தை, போலீஸ் கமிஷனர் அமரேஷ் புஜாரி துவக்கியுள்ளார். இவ்வாறு, கோதனவள்ளி தெரிவித்தார்.

19 வயதில் பாழானது வாழ்க்கை!ஆர்.எஸ்.புரத்தில் நடந்த முதல் "மொபைல் கவுன்சிலிங்'கில் பங்கேற்ற 19 வயது இளம்பெண், தனது பிரச்னையை ஆலோசகர்களிடம் தெரிவித்து கதறி அழுதார். "என்னை காதலித்து திருமணம் முடித்தவர் மாரடைப்பு ஏற்பட்டு இறந்துவிட்டார். கைக்குழந்தையுடன் பிழைப்புக்கு வழியின்றி நகைத்தொழிலில் ஈடுபட்டேன். என்னை திருமணம் செய்து கொள்வதாக கூறிய நபர், என்னுடன் "தொடர்பு' வைத்து கர்ப்பமாக்கிய பின் திருமணம் செய்ய மறுக்கிறார். அவருடன் சேர்த்து வைக்க வேண்டும்' என, தெரிவித்தார். இவருக்கு ஆறுதலும், தைரியமும் கூறிய ஆலோசனைக் குழுவினர், சம்பந்தப்பட்ட நபரை நேரில் அழைத்து கவுன்சிலிங் அளித்து வருகின்றனர்.

கொடிகட்டி பறக்கும் இந்திய கள்ளக் காதல் கலாச்சாரம்!!

2011-11-06T13:43:00.007-06:00

மருமகனுடன் கள்ளக்காதல்- கண்டித்த கணவரை மருமகனுடன் சேர்ந்து கொடூரமாகக் கொன்ற மனைவி!

ஞாயிற்றுக்கிழமை, நவம்பர் 6, 2011, OneIndia

நாகப்பட்டனம்: மருமகனுடன் வைத்திருந்த தகாத உறவைக் கண்டு கொதித்த கணவர், தனது மனைவியைக் கண்டித்தார். இதனால் ஆத்திரமடைந்த மனைவி, தனது மருமகனுடன் சேர்ந்து கணவரைக் கொடூரமாக கொன்ற செயல் நாகை மாவட்டம் வேதாரண்யம் அருகே அதிர்ச்சியை ஏற்படுத்தியுள்ளது.

நாளுக்கு நாள் தகாத உறவுகளின் அளவும், அட்டகாசமும் அதிகரித்து வருகிறது. பெரும் சமூக சீரழிவை நோக்கி மக்களில் சிலர் வேகமாகப் போய் வருவதை நிரூபிக்கும் விதமாக இத்தகையக அடாத உறவுகள் குறித்த செய்திகள் அதிக அளவில் வருகின்றன. இந்த வகையில், மருமகனுடன் கள்ளக் காதல் கொண்டிருந்த மாமியார், அதைக் கண்டித்த தனது கணவரை மருமகனுடன் சேர்ந்து கொலை செய்த கொடும் செயல் நாகை மாவட்டம் வேதாரண்யம் அருகே நடந்துள்ளது.

அகரங்காடு என்ற கிராமத்தை சேர்ந்தவர் பன்னீர்செல்வம் (43). இவரது மனைவி ஜோதி. இவருக்கு 40 வயதாகிறது. இந்தத் தம்பதிகளுக்கு 3 பெண் குழந்தைகள் உள்ளனர்.

முதல் மகள் தேவிக்கும், வேதாராண்யத்தைச் சேர்ந்த நகைக் கடை உரிமையாளர் நாகராஜனுக்கும் காதல் கல்யாணம் செய்து வைத்தனர். தேவி தனது கணவருடன் தாய் வீட்டிலேயே வசித்து வருகிறார். இந்த நிலையில் தேவியின் கணவருக்கும், ஜோதிக்கும் கள்ளத் தொடர்பு ஏற்பட்டு விட்டது.

பன்னீர்செல்வம் சிங்கப்பூரில் வேலை பார்த்து வருகிறார். அவர் சமீபத்தி்ல ஊர் திரும்பியபோது ஜோதியின் அடாத செயல் தெரிய வந்து அதிர்ந்தார். இதையடுத்து தனது மனைவியை கடுமையாக கண்டித்தார். ஆனாலும் ஜோதி தனது போக்கை கைவிடுவதாக இல்லை. நாகராஜனுடன் தொடர்ந்து உறவைப் பராமரித்து வந்துள்ளார். ஆனால் கணவர் தொடர்ந்து எச்சரித்து வந்ததால் அவரைக் கொலை செய்து விட தீர்மானித்தார்.

இதையடுத்து தனது மருமகனுடன் சேர்ந்து நேற்று பன்னீர்செல்வத்தை தாக்கி தலையை சுவரில் மோத வைத்து கொடூரமாக கொலை செய்தார் ஜோதி. பின்னர் அவர் தற்கொலை செய்து கொண்டதாக அக்கம் பக்கத்தில் கூறி கூச்சல் போட்டு நாடகமாடசினார்.

ஆனால் அக்கம் பக்கத்து மக்களுக்கு ஜோதி குறித்து ஏற்கனவே அரசல் புரசலாக தெரியும் என்பதால், போலீஸாருக்குத் தகவல் கொடுத்து விட்டனர். போலீஸார் விரைந்து வந்து ஜோதியைப் பிடித்து விசாரித்தபோது அவர் உண்மையை கக்கி விட்டார். இதையடுத்து ஜோதியையும், அவரது மருமகன் நாகராஜனையும் போலீஸார் கைது செய்தனர்.

கொலையும் செய்வாள் பத்தினி என்பது பழமொழி. ஜோதி போன்றவர்கள் அதை மாற்றிப் புதுமொழி படைப்பது கொடுமையிலும் பெரும் கொடுமையாகும்.

====

இந்திய கள்ளக்காதலில் உள்ள சிறப்பம்சம் என்னவென்றால் கள்ளக்காதலில் ஈடுபடும் பெண்ணை சட்டத்தால் தண்டிக்க முடியாது. இந்திய சட்டப்படி கள்ளக்காதலில் ஈடுபடும் பெண் ஒரு அப்பாவி!!!

IPC497. Adultery.--Whoever has sexual intercourse with a person who is and whom he knows or has reason to believe to be the wife of another man, without the consent or connivance of that man , such sexual intercourse not amounting to the offence of rape, is guilty of the offence of adultery, and shall be punished with imprisonment of either description for a term which may extend to five years, or with fine, or with both. In such case the wife shall not be punishable as an abettor.

IN THE HIGH COURT OF JUDICATURE AT MADRAS
W.P.No.45974 of 2006
(O.A.No.8971 of 2000)
DATED: 28.02.2011

23. In this context, an analogy must be drawn to the offence of 'adultery' defined in Section 497 of IPC. The offence of adultery as defined in that section can only be committed by a man, not by a woman. Section itself provides that the wife shall not be punishable even as an abettor. The Indian penal Code itself contemplates that the wife, who is involved in an illicit relationship with another man, is a victim and not author of the crime. .... ... ...

இதுபோன்ற இந்திய காதல் கலாச்சாரத்திற்கு காரணம் என்னவென்று சமீபத்தில் “ராணி” இதழில் சிறப்புக் கட்டுரை வெளியிட்டிருக்கிறார்கள்....

பெண் மற்றொரு பெண்ணுக்கு செய்யும் உதவி - யாராலும் தடுக்க முடியாது!!

2011-11-05T21:41:00.002-05:00

ஏழைப் பெண்ணின் திருமண உதவித் திட்டத்திற்கு உதவிய பெண் அலுவலர்.

ரூ.1,000 லஞ்சம் வாங்கிய பெண் அலுவலர் கைது
நவம்பர் 06,2011 தினமலர்

காட்டுமன்னார்கோவில் ;சிதம்பரம் அருகே, திருமண உதவித் தொகை வழங்க, 1,000 ரூபாய் லஞ்சம் வாங்கிய பெண் அலுவலரை, லஞ்ச ஒழிப்புத் துறை போலீசார் கைது செய்தனர்.

கடலூர் மாவட்டம், சிதம்பரம் அடுத்த அம்மாபேட்டையைச் சேர்ந்தவர் கலியபெருமாள். கடந்த ஆகஸ்ட் மாதம் 24ம் தேதி, தன் மகள் மாரியம்மாள் திருமணத்திற்கு, அரசின் உதவித் தொகை வழங்கக்கோரி, குமராட்சி ஒன்றிய சமூக நலத்துறையில், ஊர் நல அலுவலராக உள்ள மல்லிகாவிடம், மனு கொடுத்தார். அரசு உதவித்தொகை கிடைக்க, 1,000 ரூபாய் லஞ்சமாக கொடுத்தால் தான், மனுவை அரசுக்கு பரிந்துரை செய்வதாக மல்லிகா கூறியுள்ளார். "நான் கூலித் தொழிலாளி, அவ்வளவு பணம் கொடுக்க இயலாது' எனக் கூறியும் கேட்காத அவர், பணத்தைக் கொண்டு வரும்போது, ஊராட்சி ஒன்றிய அலுவலகத்திற்கு வருமாறு கூறினார். இதனால் விரக்தியடைந்த கலியபெருமாள், கடலூர் மாவட்ட லஞ்ச ஒழிப்புத் துறை போலீசில் புகார் செய்தார். லஞ்ச ஒழிப்பு டி.எஸ்.பி., சோமசுந்தரம், இன்ஸ்பெக்டர் திருமால் ஆகியோர், ரசாயனம் தடவிய பணத்தை கலியபெருமாளிடம் கொடுத்து, ஊர் நல அலுவலரிடம் கொடுக்கச் செய்தனர். அதன்படி, நேற்று கலியபெருமாள், ரசாயனம் தடவிய பணத்தை மல்லிகாவிடம் கொடுத்தார். அவரைப் பின் தொடர்ந்த லஞ்ச ஒழிப்பு போலீசார், மல்லிகாவை கையும், களவுமாகப் பிடித்து கைது செய்தனர்.

புது மணப்பெண்ணின் காதலா! காதலாலா!!

2011-10-25T22:22:00.004-05:00

திருமணத்தன்று 1வது காதலனுக்கு டிமிக்கு கொடுத்துவிட்டு 2வது காதலனுடன் பெண் எஸ்கேப்!
செவ்வாய்க்கிழமை, அக்டோபர் 25, 2011 OneIndia

சேலம்: ஒரே சமயத்தில் 2 பேரை காதலித்து வந்த பெண் திருமண நாளன்று ஒரு காதலனை ஏமாற்றிவிட்டு மற்றொரு காதலனை மணந்து கொண்டார்.

சேலம் கோரிமேடு பகுதியைச் சேர்ந்தவர் வசந்தபிரியா. அவர் அதே பகுதியைச் சேர்ந்த ரமேஷ் என்பவரை காதலித்து வந்தார். ரமேஷைக் காதலிக்கையிலேயே வசந்தபிரியாவுக்கு மேட்டூரைச் சேர்ந்த கணேஷ் என்பவர் மீதும் காதல் வந்தது.

இதையடுத்து அவர் ஒருவருக்கு தெரியாமல் இன்னொருவரை காதலித்து வந்தார். இந்நிலையில் கணேஷின் வீட்டிற்கு அவர்கள் காதல் தெரிய வந்து திருமணம் நிச்சயம் செய்தனர். கடந்த 19ம் தேதி மேட்டூரில் உள்ள ஒரு கோவிலில் வைத்து தாலியைக் கட்டிவிட்டு, அங்குள்ள திருமண மண்டபத்தில் வரவேற்பு நடத்த திட்டமிட்டிருந்தனர்.

வசந்தப்பிரியா தனது குடும்பத்தாருடன் கடந்த 18ம் தேதி மேட்டூரில் உள்ள ஒரு லாட்ஜில் தங்கினார். அதிகாலையில் பார்த்தால் மணப்பெண்ணைக் காணவில்லை. எங்கு தேடியும் கிடைக்கவில்லை. இதனால் கணேஷ் அதிர்ச்சி அடைந்தார்.

அங்கிருந்து ஓட்டம் பிடித்த வசந்தபிரியா தனது இன்னொரு காதலனான ரமேஷை பழினியில் வைத்து திருமணம் செய்து கொண்டார். நேற்று முன்தினம் தம்பதி சகிதமாக மேட்டூர் காவல் நிலையத்திற்கு வந்தனர். இது குறித்து தகவல் அறிந்த கணேஷ் மற்றும் வசந்தபிரியா குடும்பத்தினர் காவல் நிலையத்திற்கு வந்தனர்.

அங்கு வசந்தபிரியாவை கணவனுடன் பார்த்த கணேஷ் மனமுடைந்தார். திருமண ஏற்பாடுகளுக்காக செய்த செலவைத் திருப்பித் தருமாறு கணேஷ் குடும்பத்தார் தகராறு செய்தனர். அந்த 2 குடும்பத்தார்களையும் போலீசார் சமாதானம் செய்து வைத்தனர்.

இந்த விஷயத்தை மணமகன் செய்திருந்தால் என்ன நடந்திருக்கும்?

தராளமாக லஞ்சம் வாங்கலாம் - மன்னித்து விடுவார்கள்.

2011-10-17T21:51:00.003-05:00

இந்தியாவில் தனது கடமையில் தவறி லஞ்சம் வாங்கி சமுதாயத்திற்கு எதிராக குற்றம் இழைத்தால் மன்னித்து விடுவார்கள். ஆனால் கணவன் மனைவிக்கு இடையே ஏற்படும் கருத்து வேறுபாட்டால் போடப்படும் பொய் வரதட்சணை வழக்குகளில் கணவனையும் அவனது குடும்பத்தையும் கொடிய குற்றவாளியாக சித்தரித்து கைது செய்து சிறையில் அடைக்கும் இந்திய சட்டம். இந்த குடும்பப் பிரச்சனைகள் Cognizable, Non-compoundable, Non-bailable என்ற கொடிய சட்டப் பிரிவில் வருகிறது. என்ன ஒரு முரண்பாடு!

"லஞ்ச' பெண் போலீசின் கட்டாய ஓய்வு செல்லும்: ஐகோர்ட்
தினமலர் அக்டோபர் 17,2011

சென்னை:""புகார் கொடுக்க வந்தவரிடம், பணம் வாங்கிய பெண் சப்-இன்ஸ்பெக்டருக்கு, கட்டாய ஓய்வு அளித்தது செல்லும்,'' என, சென்னை ஐகோர்ட் உத்தரவிட்டுள்ளது.

திருத்தணி அனைத்து மகளிர் போலீஸ் நிலையத்தில், சப்-இன்ஸ்பெக்டராக பணியாற்றி வந்தவர் சரோஜா.புகார் கொடுக்க வருபவர்களிடம், அதன் மீது நடவடிக்கை எடுக்க பணம் கேட்பதாக, இவர் மீது எழுந்த குற்றச்சாட்டு, நிரூபிக்கப்பட்டது. இதை அடுத்து செங்கல்பட்டு சரக டி.ஐ.ஜி., சரோஜாவுக்கு கட்டாய ஓய்வு அளித்து, உத்தரவிட்டார்.இந்த உத்தரவை எதிர்த்து, மாநில நிர்வாக தீர்ப்பாயத்தில், சரோஜா மனு தாக்கல் செய்தார். பின், இம்மனு ஐகோர்ட் விசாரணைக்கு மாற்றப்பட்டது.

மனுவை விசாரித்த நீதிபதி அரிபரந்தாமன் பிறப்பித்த உத்தரவு:

விசாரணை அதிகாரியின் அறிக்கையை ஏற்றுக் கொண்டு, சரோஜாவுக்கு கட்டாய ஓய்வு அளித்து, செங்கல்பட்டு சரக டி.ஐ.ஜி., உத்தரவிட்டுள்ளார். அந்த உத்தரவில், லஞ்ச நடவடிக்கைக்கு முறையான தண்டனை, பணி நீக்கம் தான் எனவும் குறிப்பிட்டுள்ளார். இருந்தாலும் மனுதாரரின் குடும்ப சூழ்நிலையை கருத்தில் கொண்டு, கட்டாய ஓய்வு அளித்திருப்பதாக குறிப்பிட்டுள்ளார்.

முதல் தகவல் அறிக்கையை வழங்குவதற்கு லஞ்சம் கேட்டதாகவும், பணம் பெற்ற பின் நகல் அளித்ததாகவும், விசாரணையின் போது சரோஜாவின் முன்னிலையிலேயே சுரேஷ்பாபு என்பவர் வாக்குமூலம் அளித்துள்ளார். இவரது சாட்சியம் உறுதியானது. சாட்சியத்தை ஏற்றதற்கான காரணங்களை விசாரணை அதிகாரி தெரிவித்துள்ளார். அதன்படி ஒழுங்கு நடவடிக்கை அதிகாரியும் செயல்பட்டுள்ளார். மனு தள்ளுபடி செய்யப்படுகிறது.இவ்வாறு நீதிபதி அரிபரந்தாமன் உத்தரவிட்டுள்ளார்.

வரதட்சணை சட்டங்களைப் பற்றி கிராமப்புறங்களில் விழிப்புணர்ச்சி தேவை!

2011-10-13T22:21:00.003-05:00

வரதட்சணை தடுப்புச் சட்டங்களைப் பற்றியும், குடும்ப வன்முறை தடுப்புச் சட்டங்கள் பற்றியும் பல பெண்களுக்கு விழிப்புணர்ச்சி இல்லை என்பது பின்வரும் செய்தியின் மூலம் தெரிகிறது.

நகர்ப்புறங்களில் இருக்கும் இந்த சட்ட விழிப்புணர்ச்சி கிராமப் புறங்களில் சரியாக பரவவில்லை போலிருக்கிறது!

கணவனுக்கு தெரியாமல் இரண்டாவது திருமணம் பெண் தீக்குளித்து தற்கொலை
அக்டோபர் 14,2011 தினமலர்

விழுப்புரம் : கணவருக்குத் தெரியாமல் இரண்டாம் திருமணம் செய்து கொண்ட பெண், தீக்குளித்து தற்கொலை செய்து கொண்டார். புதுச்சேரி மாநிலம், குருமாம்பேட்டை பகுதியைச் சேர்ந்தவர் அரிகரன்; இவரின் மனைவி நிஷாந்தினி,24. இவர்கள், கடந்த 2004ல், காதல் திருமணம் செய்து கொண்டனர். அடுத்த சில மாதங்களில் அரிகரன், வெளிநாட்டில் வேலைக்குச் சென்றுவிட்டார்.

இந்நிலையில், நிஷாந்தினிக்கும், விழுப்புரம் மாவட்டம், கண்டமங்கலம் அடுத்த பக்கிரிப்பாளையத்தைச் சேர்ந்த விநாயகமூர்த்தி,28, என்பவருக்கும் நெருக்கமான பழக்கம் ஏற்பட்டது. நிஷாந்தினி, தன் முதல் திருமணத்தை மறைத்து, கடந்த ஜூன் 12ம் தேதி, விநாயகமூர்த்தியை இரண்டாம் திருமணம் செய்து கொண்டார்.

சமீபத்தில், வெளிநாட்டிலிருந்து வந்த அரிகரன், மனைவி இரண்டாம் திருமணம் செய்ததை அறிந்து அதிர்ச்சியடைந்தார். தான் வாங்கிக் கொடுத்த பொருட்களைத் திரும்பத் தருமாறு, நிஷாந்தினியிடம் அவர் கேட்டபோது, இருவரிடையே தகராறு ஏற்பட்டது.

முதல் திருமணம் பற்றி விநாயகமூர்த்திக்குத் தெரிந்ததால், மனமுடைந்த நிஷாந்தினி, கடந்த 8ம் தேதி, உடலில் மண்ணெண்ணெய் ஊற்றி, தீ வைத்துக் கொண்டார். பலத்த காயத்துடன், புதுச்சேரி ஜிப்மர் மருத்துவமனையில் சேர்க்கப்பட்ட அவர், சிகிச்சை பலனின்றி நேற்று முன்தினம் இறந்தார். கண்டமங்கலம் போலீசார், விசாரித்து வருகின்றனர்.

என்ன செய்யலாம்?

2011-10-12T21:45:00.003-05:00

இது மகாராஷ்டிர மாநிலத்தின் செய்தி....

நீதிபதியின் மகள் லஞ்ச வழக்கில் கைது
அக்டோபர் 13,2011 தினமலர்

மும்பை: மகராஷ்டிரா மாநிலத்தின் முன்னாள் ஐகோர்ட் நீதிபதியின் மகள் மனிஷா மாஷே லஞ்சம் வாங்கிய வழக்கில்‌ கைது செய்யப்பட்டுள்ளார்.

மகராஷ்டிரா மாநில ஐ‌கோட் முன்னாள் நீதிபதியும் மாநில நுகர்வோர் குறை தீர்க்கும் ஆணையத்தின் தலைவருமான மாஷேயின் மகள் மணிஷா. இவர் வக்கீலாக தொழில் நடத்தி வருகிறார்.

இவர் தேசியநுகர்வோர் குறை தீர்க்கும் மையத்தி்ல் உள்ள வழக்கு ஒன்றில் சம்பந்தப்பட்ட நபருக்கு சாதமாக தீர்ப்பு பெற்று தருவதாக கூறியுள்ளார். இதற்காக லஞ்சமாக ரூ.30 லட்சம் தருவது என முடிவானது. இந்த பணத்தை பெறுவதற்காக பு‌னே வந்த மணிஷாவின் ஆதரவாளர்கள் இருவரை சிபிஐயின் லஞ்ச ஒழிப்பு போலீசார் கைது ‌செய்தனர்.

இது குறித்து ‌தொடர்ந்து கண்காணித்து வந்த சிபிஐயினர் அவுரங்காபாத்தில் வைத்து மணிஷாவை கைது செய்தனர். மேலும் சம்பந்தப்பட்ட நபர்களிடம் மணிஷா போனில் பேசிய விவரங்களையும் பதிவு செய்தனர். இவர்கள் அனைவரிடமும் வரும் 18-ம் தேதி வரை தங்கள் கஸ்டடியில் வைத்து விசாரணை நடத்த உள்ளனர். விசாரணையில் குற்றம் நிருபிக்கப்படும் பட்சத்தில் குறைந்த பட்சம் 6 மாதம் முதல்அதிகபட்சம் ஐந்தாண்டுகள் வரை தண்டனை கிடைக்க கூடும் என கூறப்படுகிறது.

இது தமிழகத்தின் செய்தி....

இளம் பெண்களின் மனநிலையைப் புரிந்துகொள்ளுங்கள்

2011-10-06T23:29:00.004-05:00

மாறிவரும் இந்திய இளம் பெண்களின் மனநிலை

அக்டோபர் 07,2011 தினமலர்

இந்த வீடியோவைப் பார்த்துவிட்டு பிறகு செய்தியைத் தொடர்ந்து படியுங்கள்.

தினமலர் முதல் பக்கம் » சிறப்பு பகுதிகள் செய்தி »சொல்கிறார்கள்

கருத்துக்கள்...

"பெண்கள் மனோபாவம் மாறிவிட்டது!' சென்னையில் திருமண தகவல் மையம் நடத்தும், கீதா தெய்வசிகாமணி:

"இவர் தான் இனி நம் வாழ்க்கை... என் சந்தோஷமோ, துக்கமோ, இனி, இவர் கூடத்தான்...!' என்று, வருங்காலத் துணையைத் தன் பாதுகாப்பாக நினைக்கும் மனோபாவம், பெண்களிடம் போய்விட்டது. திருமணம் குறித்த பெண்களின் எதிர்பார்ப்பு, இன்று முற்றிலும் மாறிவிட்டது. இப்போது, பல பெண்கள் வேலை, "புராஜெக்ட்' என, வெளியூர், வெளிநாடுகளுக்குப் போய் வருவது, சகஜமாகி விட்டது. அங்குள்ள வாழ்க்கை வசதி, சுதந்திர மனப்பான்மை போன்றவற்றை, நம் கலாச்சாரத்திலும் எதிர்பார்க்கின்றனர்; தன்னை யாரும் பேச்சில் கூட கட்டுப்படுத்தக் கூடாது என நினைக்கின்றனர்.

இன்றைய பெண்களிடம், "இது நிச்சயம் வெற்றிகரமான திருமணமாக அமையும்' என்ற நம்பிக்கை இல்லை. நல்ல படிப்பு, நல்ல நிறு வனத்தில் வேலை, சுறுசுறுப்பான பையன் போன்ற அஸ்திவாரங்கள் நன்றாக இருக்கின்றன. எனவே, மணவாழ்க்கை, 40, 50 வயதிலும் சிறப்பாகவே இருக்கும் என நினைக்காமல், "உயரம் இரண்டு இன்ச்' கூடுதலாக எதிர்பார்க்கிறேன்; கலர் கொஞ்சம் பத்தாது' என, ஏதோ சினிமாவிற்கு ஹீரோவை தேர்ந்தெ டுக்கும் பாணியில், கணவரைத் தேர்ந்தெடுக்கின்றனர்.

தனக்கு வரப்போகும் கணவர், நன்கு படித்து, வேலையில் இருக்கிறார்; நல்ல ஒழுக்கத்துடன் வளர்க்கப்பட்டிருக்கிறார் என்றால், அதற்கு அவரது பெற்றோரின் பொறுமை, தியாகம், அன்பு தான் காரணம் என்ற அடிப்படை உண்மையை மறந்துவிட்டு, "பேரன்ட்ஸ் கூட இருந்தா சரியா வராது' என்கின்றனர். முதலில், தன்னை முழுமையாக நம்பி, தன் மீது நம்பிக்கை வைத்த குடும்பத்தை, கணவரை நம்பி, தெய்வ பலம் துணை நிற்கும் என்று உறுதியாக நினைத்து, 20 - 24 வயதுகளில் திரு மணம் செய்து கொள் ளும் பெண்கள், நிச்சயம் வெற்றிகரமான மணவாழ்க்கை வாழ்வர் என்பதில் சந்தேகமில்லை!

மாறிவரும் இந்திய இளம் பெண்களின் மனநிலை

அக்டோபர் 07,2011 தினமலர்